Janhvi Kapoor । अभिनेत्री जान्हवी कपूर गेल्या काही दिवसांपासून तिच्या वैयक्तिक आयुष्यामुळे चर्चेत आहे. जान्हवी शिखर पहारियाला डेट करत आहे. जिथे आधी ती तिचं पर्सनल लाईफ लपवून ठेवायची तिथे आता शिखरसोबत सार्वजनिक कार्यक्रमांमध्ये ती उघडपणे दिसत आहे.

सोशलवर जान्हवी आणि शिखरचे अनेक व्हिडिओ आणि फोटो व्हायरल होतात. याआधीही एका पापाराझी अकाऊंटने जान्हवीबद्दल पोस्ट केले होते की ती तिरुपती मंदिरात शिखर पहारियासोबत लग्न करणार आहे. त्यानंतर जान्हवीने या बातमीवर काहीही प्रतिक्रिया दिली नाही. लग्नाच्या चर्चांवर तिने अधिकृतरित्या काहीही सांगितलेले नाही.

दरम्यान, अश्यातच अभिनेत्रीने एक धक्कादायक खुलासा केला आहे. एका प्रसिद्ध यूट्यूब चॅनेलला दिलेल्या मुलाखतीत जान्हवीने एक किस्सा सांगितलं आहे. जानव्ही कपूर बेडरुममध्ये मुलासोबत दिसली अन् वडील बोनी कपूर यांनी तिला नंतर शिक्षा केली असल्याचं अभिनेत्री सांगितलं आहे.

नेमकं अभिनेत्री सोबत काय घडलं होत….

यावेळी बोलताना जान्हवीने सांगितलं की, “आम्ही आमच्या जुन्या घरात राहायचो, तेव्हाची ही गोष्ट आहे. तेव्हा मी एका मित्राला माझ्या घरी बोलावले होते. तो जेव्हा माझ्या घरी आला होता, तेव्हा आमच्या घरी कोणीही नव्हते. बेडरुममध्ये बसून आम्ही गप्पा करत होते. त्याच वेळी माझे वडील घरी आले. वडील घरी आल्यानंतर मला काहीच समजले नाही. मग मी माझ्या मित्राला खिडकीतून उडी मारायला सांगितले.

मित्र खिडकीतून गेल्यावर माझ्या वडिलांना समजणार नाही, असा माझा विचार होता. मात्र माझ्या वडिलांनी सीसीटीव्ही चेक केले. त्यात सगळं दिसलं. माझा सगळा प्लॅन माझ्यावरच उलटा पडला. त्यानंतर मला माझ्या वडिलांनी चांगलीच शिक्षा केली. त्यानंतर माझ्या वडिलांनी सर्व खिडक्यांना ग्रिल लावल्या,” अशी आठवण जान्हवी कपूरने सांगितली.

‘या’ सिनेमात झळकणार अभिनेत्री जान्हवी कपूर

दरम्यान, जान्हवीच्या कामाबद्दल सांगायचे तर ती काही महिन्यापूर्वी रिलीज झालेल्या ‘देवरा पार्ट-1’ या चित्रपटात ज्युनिअर एनटीआरसोबत झळकली होती. लवकरच तिचा नवीन चित्रपट ‘परमसुंदरी’ प्रेक्षकांच्या भेटीला येणार आहे. जान्हवी सोशल मीडियावर प्रचंड सक्रिय असून, लाखोंच्या घरात तिचा चाहता वर्ग आहे.