Jammu-Kashmir ।  जम्मू आणि काश्मीरमधील किश्तवाड जिल्ह्यातील छत्रू भागात सुरक्षा दलांना मोठे यश मिळाले आहे. सुरक्षा दलांनी सर्च अँड डिस्ट्रॉय मोहिमेदरम्यान आतापर्यंत तीन दहशतवाद्यांना ठार केले आहे. हे ऑपरेशन ९ एप्रिलपासून सुरू होते. शुक्रवारी आधी एक दहशतवादी मारण्यात आला होता. आता आणखी दोन दहशतवाद्यांना कंठस्नान घातले आहे.

जैश-ए-मोहम्मदचा टॉप कमांडर सैफुल्लाह ठार  Jammu-Kashmir । 

सूत्रांनी दिलेल्या माहितीनुसार, मारल्या गेलेल्या दहशतवाद्यांपैकी एक जैश-ए-मोहम्मदचा टॉप कमांडर सैफुल्लाह होता. सध्या संपूर्ण परिसरात शोध मोहीम सुरू आहे. इतर कोणताही दहशतवादी लपून राहू नये म्हणून सुरक्षा दल सतर्क आहेत. ९ एप्रिलपासून किश्तवारच्या छत्रू जंगलात लष्कर शोध मोहीम राबवत होते. गुरुवारीही सुरक्षा दल आणि दहशतवाद्यांमध्ये चकमक झाली. यानंतर, सुरक्षा दलांनी संपूर्ण परिसराला वेढा घालून शोध मोहीम राबवत आहेत. लष्कर, पोलिस आणि सीआरपीएफ जवानांसह पॅरा कमांडो इतर दहशतवाद्यांचा शोध घेत आहेत. रामनगर पोलिस स्टेशनचे प्रभारी पूर्वा सिंह हे देखील दहशतवाद्यांचा खात्मा करण्यासाठी सुरक्षा दलांसोबत काम करत आहेत.

दहशतवादी कारवाया रोखण्यासाठी कडक सुरक्षा व्यवस्था Jammu-Kashmir । 
जम्मू आणि काश्मीरमध्ये दहशतवादी कारवाया रोखण्यासाठी आणि सुरक्षित वाहतूक सुनिश्चित करण्यासाठी, लष्कराने राष्ट्रीय महामार्ग ४४ (एनएच-४४) वरील सुरक्षा आणखी मजबूत केली आहे. हा महामार्ग केंद्रशासित प्रदेशाच्या अनेक भागांना जोडतो. दहशतवाद्यांनी शस्त्रास्त्रे आणि वस्तूंची तस्करी करण्यासाठी वापरण्याचे प्रयत्न हाणून पाडण्यासाठी लष्कराने अनेक मोठी पावले उचलली आहेत.

लष्कराने महामार्गावर दिवसरात्र गस्त वाढवली आहे. विशेषतः संवेदनशील क्षेत्रे आणि महत्त्वाच्या ठिकाणांवर लक्ष ठेवले जात आहे. जम्मू आणि काश्मीर पोलिसांच्या सहकार्याने अनेक ठिकाणी मोबाईल वाहन तपासणी नाके (MVCPs) उभारण्यात आले आहेत. या चेक पोस्ट अचानक तपासणी करतात, त्यामुळे दहशतवाद्यांना या मार्गाचा गैरवापर करणे कठीण होते. या चेकपोस्टवर संशयास्पद वाहने आणि लोकांची तपासणी केली जात आहे.

हेही वाचा
‘बिहार निवडणुकीपूर्वी दर महिन्याला १२ लाख लोकांना नोकऱ्या मिळणार’ ; उपमुख्यमंत्री सम्राट चौधरी यांचा दावा