Jalgaon News : जळगावमध्ये महायुतीत खडाजंगी; सुमित पाटील आणि मंगेश चव्हाण यांच्यात शाब्दिक युद्ध
जळगाव जिल्हा मध्यवर्ती सहकारी बँकेच्या निवडणुकीत (Jalgaon News) नाट्यमय घडामोडींनंतर बिनविरोध निवडून आलेले सुमित पाटील यांनी आता आक्रमक पवित्रा घेत चाळीसगावचे भाजप आमदार मंगेश चव्हाण यांच्यावर अत्यंत जहरी शब्दांत टीका केली आहे.

Jalgaon News : जळगाव जिल्हा मध्यवर्ती सहकारी बँकेच्या निवडणुकीत (Jalgaon News) नाट्यमय घडामोडींनंतर बिनविरोध निवडून आलेले सुमित पाटील यांनी आता आक्रमक पवित्रा घेत चाळीसगावचे भाजप आमदार मंगेश चव्हाण यांच्यावर अत्यंत जहरी शब्दांत टीका केली आहे. या टीकेला आ. मंगेश चव्हाण यांनीही प्रत्युत्तर दिल्याने जळगाव जिल्ह्यातील महायुतीमधील अंतर्गत धुसफूस आणि विसंवाद पुन्हा एकदा चव्हाट्यावर आला आहे.
काय आहे नेमके प्रकरण?
जिल्हा बँकेच्या निवडणुकीत पाचोरा तालुका सहकारी संस्था मतदारसंघातून सुमित किशोर पाटील यांचा उमेदवारी अर्ज सुरुवातीला तांत्रिक कारणास्तव बाद ठरवण्यात आला होता. यामागे राजकीय दबाव आणि ‘अदृश्य शक्ती’ असल्याचा आरोप आमदार किशोर पाटील यांनी पत्रकार परिषद घेऊन केला होता. त्यानंतर कायदेशीर लढाई आणि राजकीय घडामोडींनंतर सुमित पाटील यांचा अर्ज मंजूर झाला आणि ते बिनविरोध संचालक म्हणून निवडून आले.
सुमित पाटील यांचा आक्रमक पवित्रा आणि जहरी टीका
बिनविरोध निवड झाल्यानंतर सुमित किशोर पाटील यांनी रौद्र अवतार धारण करत थेट आमदार मंगेश चव्हाण यांना लक्ष्य केले. अर्ज बाद करण्याच्या षडयंत्रामागे मंगेश चव्हाण असल्याचा रोख धरत सुमित पाटील यांनी अत्यंत बोचऱ्या आणि आक्षेपार्ह शब्दांत त्यांच्यावर टीकास्त्र सोडले. या विधानामुळे जिल्ह्याच्या राजकीय वर्तुळात मोठी खळबळ उडाली आहे.
मंगेश चव्हाण यांचे प्रत्युत्तर
सुमित पाटील यांच्या टीकेला आमदार मंगेश चव्हाण यांनीही जशास तसे उत्तर दिले आहे. “सुमित हा अजून लहान नेता आहे, मी त्याच्या टीकेला महत्त्व देत नाही; वेळ आल्यास मी थेट त्याच्या वडिलांना (आमदार किशोर पाटील यांना) उत्तर देईन,” अशा शब्दांत चव्हाण यांनी सुमित पाटील यांना डिवचले आहे.
महायुतीत विसंवाद वाढला
राज्यात महायुतीचे सरकार असताना जळगाव जिल्ह्यात मात्र शिवसेना (शिंदे गट) आणि भाजपच्या नेत्यांमध्ये एकमेकांविरोधात विस्तवही जात नसल्याचे चित्र या निमित्ताने स्पष्ट झाले आहे. आगामी निवडणुकांच्या पार्श्वभूमीवर महायुतीतील नेत्यांमधील हा उघड संघर्ष कार्यकर्त्यांमध्ये संभ्रम (Jalgaon News)निर्माण करणारा ठरत आहे.






