Jalgaon DCC Bank Election : जळगाव जिल्हा बँक निवडणुकीत महायुतीचा डंका; मंत्री गिरीश महाजन आणि मंत्री गुलाबराव पाटील दोघेही बिनविरोध विजयी
Jalgaon DCC Bank Election : लातूर जिल्हा बँकेच्या निवडणुकीनंतर आता संपूर्ण राज्याचे लक्ष जळगाव जिल्हा मध्यवर्ती सहकारी बँकेच्या निवडणुकीकडे लागले आहे.

Jalgaon DCC Bank Election : लातूर जिल्हा बँकेची निवडणूक झाल्यानंतर आता जळगावमध्ये जिल्हा मध्यवर्ती म्हणजेच डीसीसीच्या चाव्या कोणाच्या हाती जाणार याकडे सर्वांचे लक्ष लागले आहे. महायुती म्हणून आपण ही निवडणूक लढवणार असल्याचे भाजप नेते तथा मंत्री गिरीश महाजन यांनी म्हटले होते. (Jalgaon DCC Bank Election0
त्यानतंर, आज जिल्हा बँक निवडणुकीत मंत्री गिरीश महाजन बिनविरोध विजयी झाले आहेत. तर, मंत्री गुलाबराव पाटील यांचीही बिनविरोध निवड झाली आहे.
जिल्हा बँकेच्या निवडणुकीतून भाजपा कार्यकर्ते तुकाराम विठोबा निकम यांनी आपला उमेदवारी अर्ज मागे घेतला. (Jalgaon DCC Bank Election)
आपण गिरीश भाऊ यांच्या पाठीशी असल्याची प्रतिक्रिया देत तुकाराम निकम यांनी आपला पाठिंबा दिला. त्यामुळे, जळगाव जिल्हा बँकेसाठी गिरीश महाजन यांची बिनविरोध निवड झाली आहे. (Jalgaon DCC Bank Election)
जळगाव जिल्हा बँकेच्या निवडणुकीमध्ये जामनेर मतदारसंघातून मंत्री गिरीश महाजन यांच्यासह रघुनाथ पाटील आणि तुकाराम विठोबा निकम यांनी उमेदवारी अर्ज दाखल केला होता. (Jalgaon DCC Bank Election)
दरम्यान या संदर्भात रघुनाथ पाटील यांचा अर्ज निवडणूक निर्णय अधिकारी यांनी बाद केला होता, त्यावर त्यांनी आव्हान देत नाशिक येथे सहाय्यक निबंधक कार्यालयात हरकत दाखल केली. मात्र, तेथे देखील त्यांचा अर्ज फेटाळून लावला. (Jalgaon DCC Bank Election)
त्यामुळे, दुसरे उमेदवार तुकाराम निकम यांच्या भूमिकेकडे सर्वांचे लक्ष लागले होते. अर्ज माघारीच्या शेवटच्या दिवशी तुकाराम निकम यांनी गिरीश महाजन यांना पाठिंबा देत आपला उमेदवारी अर्ज मागे घेतला. त्यामुळे मंत्री गिरीश महाजन हे बिनविरोध विजयी उमेदवार ठरले आहे. (Jalgaon DCC Bank Election)
या निवडणुकीत मंत्री गुलाबराव पाटील यांच्या विरोधातील तिघांनीही आपले उमेदवारी अर्ज माघारी घेतले. त्यामुळे, मंत्री गुलाबराव पाटील हेही आता बिनविरोध निवडून आले आहेत. (Jalgaon DCC Bank Election)
जळगाव तालुका विविध कार्यकारी सोसायटीमधून गुलाबराव पाटील हे उमेदवार होते, त्यांच्या विरोधात भाजपाच्या माजी महापौर जयश्री महाजन, शिवेसेनेचे माजी उपमहापौर कुलभूषण पाटील, भाजपाचे प्रभाकर सोनवणे यांनी उमेदवारी अर्ज दाखल केले होते. (Jalgaon DCC Bank Election)





