Jagdeep Dhankhar ।  संसदेच्या हिवाळी अधिवेशनात इंडिया आघाडीने राज्यसभेचे सभापती जगदीप धनखड यांच्याविरोधात अविश्वास प्रस्ताव मांडला आहे. राज्यसभेच्या सभापतींच्या कामकाजामुळे संतप्त झालेल्या विरोधकांनी अविश्वास ठराव आणला आहे. या प्रस्तावात सभापतींवर सभागृहात पक्षपाती कारभार केल्याचा आरोप करण्यात आला आहे. विरोधकांनी कलम 67(बी) अंतर्गत अविश्वास प्रस्ताव मांडला आहे.

अविश्वास प्रस्तावावर सुमारे ७० खासदारांनी स्वाक्षऱ्या केल्या आहेत. या प्रस्तावावर काँग्रेस, तृणमूल काँग्रेस, आम आदमी पार्टी, समाजवादी पक्ष आणि इतर अनेक छोटे पक्षांनी एकत्र येत स्वाक्षऱ्या केल्या आहेत.

विरोधकांमध्ये सभापतींविरोधात असंतोष Jagdeep Dhankhar । 

ऑगस्टमध्ये संसदेच्या पावसाळी अधिवेशनातही विरोधकांनी सभापतींच्या विरोधात स्वाक्षरी मोहीम सुरू केली होती. मात्र त्यावेळी कारवाई न करण्याचा निर्णय घेण्यात आला. आता इंडिया ब्लॉकच्या अनेक नेत्यांनी अध्यक्ष जगदीप धनखड यांच्याविरोधात असंतोष व्यक्त केला आहे. याशिवाय पक्षपाती वृत्ती दाखवल्याचा आरोपही विरोधक करत आहेत. दरम्यान, राज्यसभेचे कामकाज 11 डिसेंबरपर्यंत तहकूब करण्यात आले आहे.

टीएमसी आणि सपा एकत्र  Jagdeep Dhankhar । 

यापूर्वी, विरोधकांनी दावा केला होता की,अविश्वास प्रस्तावावर सुमारे 70 खासदारांनी स्वाक्षरी केली आहे. त्यात इंडियातील सर्व पक्ष उपस्थित होते. मिळालेल्या माहितीनुसार, काँग्रेसपासून दूर असलेल्या तृणमूल काँग्रेस आणि समाजवादी पक्षानेही अविश्वास प्रस्तावाला पाठिंबा देण्याचा निर्णय घेतला आहे. या दोन्ही पक्षांच्या राज्यसभा सदस्यांनीही या प्रस्तावावर स्वाक्षऱ्या केल्या आहेत.

काँग्रेसने आरोप केले होते

त्याचवेळी काँग्रेसचे खासदार दिग्विजय सिंह म्हणाले होते, “विरोधक सातत्याने सभागृह चालवण्याची मागणी करत आहेत, मात्र सभापती धनखड हे सभागृहात गोंधळ घालण्यासाठी सत्ताधारी पक्षाला संधी देत ​​आहेत. सभापतींची  ही पक्षपाती वृत्ती लोकशाहीच्या विरोधात आहे. राज्यसभेतील विरोधी पक्षनेते मल्लिकार्जुन खरगे यांनीही सभापतींनी असे करून लोकशाहीची हत्या करू नये, असे म्हटले होते.

हेही वाचा
दिल्ली दंगलीतील आरोपी ताहिर हुसेनचा AIMIM मध्ये प्रवेश ; असदुद्दीन ओवेसींनी दिले ‘या’ जागेवरून तिकीट