ISRO Chief Dr S Somanath । भारताच्या सूर्य मिशन आदित्य-एल-1 च्या प्रक्षेपणाच्या दिवशी भारतीय अंतराळ संशोधन संस्था (इस्रो) चे प्रमुख एस. सोमनाथ यांना कर्करोग झाल्याचे निदान झालं होतं अशी माहिती शमोर आली आहे. । Cancer 

सोमनाथन यांनी एका मुलाखतीत याला दुजोरा देत स्कॅनिंगमध्ये कॅन्सर आढळून आल्याचे सांगितले. चांद्रयान-3 मोहिमेच्या प्रक्षेपणाच्या वेळीही आरोग्याशी संबंधित काही समस्या होत्या. मात्र, तोपर्यंत काहीही स्पष्ट झाले नव्हते. । ISRO Chief Dr S Somanath

आदित्य मिशनच्या दिवशीच आपल्याला या आजाराचे निदान झाल्याचे त्यांनी सांगितले. यामुळे ते आणि त्याचे कुटुंब दोघेही नाराज झाले. या बातमीने त्यांचे सर्व सहकारी शास्त्रज्ञही दुखावले गेले. मात्र या आव्हानात्मक वातावरणात त्यांनी स्वत:वर नियंत्रण ठेवले.

कुटुंबाची आणि इस्रोच्या शास्त्रज्ञांची काळजी घेतली. प्रक्षेपणानंतर त्यांचे पोट स्कॅन करण्यात आले. तेव्हा खुलासा झाला. मात्र अधिक तपास आणि उपचारासाठी ते चेन्नईला गेले. त्यांना हा आजार अनुवांशिकरित्या झाल्याचे उघड झाले. त्यांना पोटाचा कर्करोग झाला होता.

यानंतर सोमनाथ यांच्यावर शस्त्रक्रिया करण्यात आली. त्यानंतर त्यांची केमोथेरपी सुरूच होती. संपूर्ण कुटुंबाला धक्का बसल्याचे सोमनाथ यांनी सांगितले. पण आता तसं काही नाही. उपचार झाले आणि ते बरे देखील झाले. सध्या औषधोपचार सुरू आहेत. पण या काळात त्याच्या कुटुंबीयांनी आणि मित्रांनी त्यांना खूप साथ दिली. । Cancer 

इस्रोच्या सर्व मोहिमा पूर्ण केल्यानंतरच या जगाचा निरोप घेणार – । ISRO Chief Dr S Somanath 

एस. सोमनाथ म्हणाले की, ‘मला माहित आहे की कर्करोगाच्या उपचाराला खूप वेळ लागेल. ती एक लांब प्रक्रिया आहे. पण या युद्धात मी लढणार आहे. मी फक्त चार दिवस हॉस्पिटलमध्ये होतो. कोणतीही वेदना न होता मी पाचव्या दिवसापासून इस्रोमध्ये काम करू लागलो.

माझी सतत वैद्यकीय तपासणी आणि स्कॅन्स होत आहेत. पण आता मी पूर्णपणे बरा झालो आहे. आमचे काम आणि इस्रोच्या मोहिमा आणि प्रक्षेपणांवर पूर्ण लक्ष केंद्रित आहे. इस्रोच्या भविष्यातील सर्व मोहिमा पूर्ण केल्यानंतरच मी या जगाचा निरोप घेणार’. असं ते म्हणतात.