Israel Vs Iran War |  इस्रायल आणि इराणमधील संघर्ष अद्यापही सुरूच आहे. दोन्ही बाजूंनी एकमेकांवर क्षेपणास्त्रे आणि ड्रोनचा मारा केला जात आहे आणि यामुळे दोन्ही देशांमधील मृताचा आकडाही वाढत आहे. इराण आणि इस्रायलमधील वाढत्या तणावाच्या पार्श्वभूमीवर अमेरिकेतून एक मोठा खुलासा समोर आला आहे.

वृत्तसंस्था रॉयटर्सच्या रिपोर्टनुसार, अमेरिकेचे माजी राष्ट्राध्यक्ष डोनाल्ड ट्रम्प यांनी अलीकडेच इस्रायलच्या एका महत्त्वाच्या योजनेला नकार दिला होता. ज्यामध्ये इराणचे सर्वोच्च नेता अयातुल्ला अली खामेनेई यांना ठार मारण्याची योजना आखण्यात आली होती. इस्रायलने खामेनेईंना लक्ष्य करण्याचा प्रस्ताव अमेरिकेसमोर ठेवला होता. मात्र अमेरिकेचे अध्यक्ष डोनाल्ड ट्रम्प यांनी हा विचार नाकारला, त्यामुळे इस्त्रायलला इराणचे सर्वोच्च नेते अयातुल्ला अली खामेनेई यांच्या हत्येची योजना रद्द करावी लागली. Israel Vs Iran War |

एका वरिष्ठ अमेरिकेच्या अधिकाऱ्यानं म्हटलं की, इराणनं आतापर्यंत एखाद्या अमेरिकन व्यक्तीला मारलं आहे का? नाही, मग तोपर्यंत इराणच्या राजनैतिक नेतृत्त्वाला लक्ष्य करण्याची चर्चा करणार नाही. मात्र इस्रायलचे पंतप्रधान बेंजामिन नेतान्याहू यांनी अमेरिकन अधिकाऱ्यांचा हा दावा फेटाळला आहे. ट्रम्प यांचे हे विधान एका वरिष्ठ अमेरिकी प्रशासनिक अधिकाऱ्याने रॉयटर्सला दिले आहे. हे विधान इराण आणि इस्रायल यांच्यातील संघर्ष तीव्रतेच्या टोकावर पोहोचला असताना समोर आले आहे.

ट्रम्प यांचा भारत आणि पाकिस्तान संघर्ष थांबवल्याचा दावा 

दरम्यान, ट्रम्प यांनी इस्त्रायल आणि इराणला शांततेसाठी करार करण्याचं आवाहन केलं आहे. त्यांनी अपेक्षा व्यक्त केली की दोन्ही कट्टर विरोधक देश सामंजस्य करार करतील. ट्रम्प यांनी भारत आणि पाकिस्तान यांच्यातील संघर्ष थांबवल्याचा दावा केला. त्यानुसार इस्त्रायल आणि इराण यांच्यामध्ये लवकरच शांतता प्रस्थापित होईल, काही बैठका आणि फोन कॉल होत आहेत, असं ट्रम्प म्हणाले. Israel Vs Iran War |

अमेरिकेचा इराणला इशारा 

याशिवाय ट्रम्प यांनी ट्र्थ सोशलवर म्हटलं की, आमच्यावर कोणत्याही प्रकारचा हल्ला झाला तर अमेरिकेच्या सैन्याची पूर्ण ताकद आणि शक्ती इराणवर बरसेल. जे पहिलं कधी पाहिलं गेलं नव्हतं ते घडेल. इराण आणि इस्त्रायल यांच्यात शांतता करार शक्य आहे. आपण सजपणे एका करारापर्यंत पोहोचू शकतो, या रक्तरंजीत संघर्षाला संपवू शकतो, असं ट्रम्प म्हणाले.

जानेवारी 2020 मध्ये अमेरिकेने एका मोठ्या ऑपरेशनमध्ये इराणी कमांडर कासिम सुलेमानी यांना बगदादमध्ये ठार केले होते. ज्यामुळे अमेरिका-इराण संबंधांमध्ये तणाव वाढला होता. मात्र आता इराण आणि इस्रायल पुन्हा एकदा संघर्षाच्या उंबरठ्यावर उभे असताना ट्रम्प यांची भूमिका देखील महत्त्वाची ठरू शकते.  Israel Vs Iran War |

हेही वाचा :  

Maharashtra Weather : राज्यात धडकी भरवणारा पाऊस, पुणे-मुंबईत धो-धो; रायगडला रेड अलर्ट