Israel Palestine Attack: इस्रायल-हमास युद्धाच्या दुसऱ्या दिवशी इस्त्रायली संरक्षण दलाने (आयडीएफ), इस्रायलवरील हमासचा हल्ला हा आमच्यासाठी 9/11सारखाच आहे, किंबहुना त्याहूनही मोठा आहे. तब्बल  22 ठिकाणांवर हमासशी  इस्रायली सैन्य लढा देत  आहे. हमासच्या हल्ल्यानंतर इस्रायलमधील मागचे दोन दिवस अत्यंत कठीण गेल्याचे सांगण्यात येत आहे.

आयडीएफचे प्रवक्ते रिचर्ड हेच (Richard Hecht) यांनी हमासने केलेल्या हल्ल्याविषयी बोलताना, “हा इस्रायलवरील 9/11चा हल्ला किंवा त्याहूनही मोठा हल्ला आहे. ही घटना केवळ  इमारतीला धडकण्याची नाही तर गाझा पट्टीचा नाश, लहान मुलांची, अगदी त्यांच्या आजी-आजोबांची क्रूरपणे हत्या  करण्यात आल्या असून हे सर्व  हृदय पिळवटून टाकणारे आहे.” असे म्हटले.

पुढे बोलताना रिचर्ड (Richard Hecht)यांनी,”हमासला परिणाम भोगावे लागतील असा इशारा त्यांनी दिला. पुढे त्यांनी “आम्ही याला अतिशय गंभीरपणे उत्तर देणार आहोत. असे हल्ले आंतरराष्ट्रीय कायद्याच्या विरोधात आहेत. मुलांवर ज्या प्रकारे अत्याचार केले जातात ते इस्लामच्या विरोधात आहे.” त्यासोबतच इराणला देखील इस्रायलने इशारा दिला आहे. याविषयी रिचर्ड म्हणाले, “मला आशा आहे की हिजबुल्ला आणि इराण यात अडकण्याची चूक करणार नाहीत. कारण आम्ही आमच्या पूर्ण ताकदीने तयार आहोत.”

हमासच्या सैनिकांच्या भीषण अमानवी कृत्यांचा उल्लेख करताना रिचर्ड (Richard Hecht) म्हणाले, आम्ही हमास कोण आहेत आणि त्यांना काय हवे आहे, याबद्दल आम्ही वर्षानुवर्षे बोलत आहोत. देशाचा विनाश करणे हा त्यांचा उद्देश आहे. काल ते कोण आहेत हे सगळ्यांना कळलं. त्यांनी आमच्यावर जमीन, हवाई आणि समुद्राद्वारे हल्ला केला. हल्ल्यातील क्रूरतेची दृश्ये हृदय पिळवटून टाकणारी आहेत. असेही त्यांनी म्हटले आहे.