Israel-Lebanon Ceasefire: मध्यपूर्वेतील इराण युद्धानंतर आता लेबनॉनसाठी एक दिलासादायक बातमी आहे. अमेरिकेचे अध्यक्ष डोनाल्ड ट्रम्प यांनी जाहीर केले आहे की, इस्रायल आणि लेबनॉन १० दिवसांच्या युद्धविरामावर सहमत झाले आहेत. इराण-अमेरिका युद्ध थांबल्यानंतरही, इस्रायल गेल्या काही आठवड्यांपासून लेबनॉनवर सातत्याने हल्ले करत होता. ३४ वर्षांनंतर ऐतिहासिक बैठक Israel-Lebanon Ceasefire: अध्यक्ष ट्रम्प यांनी ‘ट्रुथ सोशल’ या सोशल मीडिया प्लॅटफॉर्मवर माहिती दिली. याविषयी स्पष्ट करताना, “या कराराचा पाया वॉशिंग्टनमध्ये घातला गेला, जिथे इस्रायल आणि लेबनॉनचे प्रतिनिधी समोरासमोर भेटले.” ३४ वर्षांत दोन्ही देशांमधील ही पहिलीच औपचारिक बैठक होती. अमेरिकेचे परराष्ट्र सचिव मार्को रुबियो हे देखील उपस्थित होते. “मी नऊ युद्धे मिटवली आता हे दहावे” आपल्या नेहमीच्या वैशिष्ट्यपूर्ण शैलीत, ट्रम्प यांनी याचे श्रेय घेत, “जगभरातील नऊ युद्धे मिटवणे हा माझा सन्मान आहे, आणि हे माझे दहावे युद्ध असेल जे मी मिटवणार आहे.” असे म्हटले. Israel-Lebanon Ceasefire: ट्रम्प यांनी लेबनॉनचे अध्यक्ष जोसेफ औन आणि इस्रायलचे पंतप्रधान बेंजामिन नेतान्याहू यांच्यासोबत झालेल्या आपल्या चर्चेचे वर्णन “विलक्षण” असे केले. त्यांनी याविषयी माहिती देताना, “हा १० दिवसांचा शस्त्रसंधी केवळ एक सुरुवात असून, या प्रदेशात चिरस्थायी शांतता प्रस्थापित करणे हे अंतिम ध्येय आहे.”असे म्हटले आहे. ट्रम्प यांनी, त्यांनी उपराष्ट्रपती जे.डी. व्हान्स, परराष्ट्र सचिव रुबिओ आणि जॉइंट चीफ्स ऑफ स्टाफचे अध्यक्ष डॅन केन यांना दोन्ही देशांसोबत मिळून अधिक चिरस्थायी करार घडवून आणण्याची जबाबदारी सोपवली आहे. व्हाइट हाऊसमध्ये एक “शांतता मंच” स्थापन केला जाईल Israel-Lebanon Ceasefire: ट्रम्प यांनी पंतप्रधान नेतान्याहू आणि राष्ट्राध्यक्ष जोसेफ औन यांनाही व्हाइट हाऊसमध्ये आमंत्रित केले आहे. १९८३ नंतर प्रथमच दोन्ही देशांचे सर्वोच्च नेते अर्थपूर्ण शांतता चर्चेसाठी एकत्र बसणार आहेत. लेबनॉनचे राष्ट्राध्यक्ष जोसेफ औन यांनीही सोशल मीडिया प्लॅटफॉर्मवर या उपक्रमाबद्दल ट्रम्प यांचे आभार मानले.
