Israel Attack Syria। मध्यपूर्वेतील सुरू असलेल्या संघर्षादरम्यान, इस्रायलने सीरियाची राजधानी दमास्कसवर मोठा हवाई हल्ला केला. या हल्ल्यात सीरियाचे संरक्षण मंत्रालय मुख्य लक्ष्य होते. दक्षिण सीरियामध्ये कार्यरत असलेल्या सीरियाच्या सैन्याच्या तुकड्यांवरही हल्ला करण्यात आला. स्थानिकांना मोठ्या स्फोटाचे आवाज ऐकलायला मिळाले त्यासोबतच धुराचे लोट सर्वदूर पसरल्याचेही पाहायला मिळाले.

या प्रकरणावर, इस्रायली संरक्षणमंत्र्यांनी माहिती देताना,”जर सीरियाच्या सैन्याने ड्रुझ समुदायावर हल्ले करणे थांबवले नाही तर आम्ही त्यांना नष्ट करू” असा इशारा दिला आहे. दक्षिण सीरियातील सुवेदा शहरात ड्रुझ लढाऊ आणि सीरियाच्या सैन्यात भीषण संघर्ष सुरू आहे. आतापर्यंत शेकडो लोक मारले गेले आहेत. ड्रुझ नेत्याचा आरोप आहे की, सरकारी सैन्य ड्रुझ लोकांना क्रूरपणे मारत आहे. सीरिया सरकारचा दावा आहे की हिंसाचार गुन्हेगारी टोळ्यांमुळे होत आहे, परंतु आंतरराष्ट्रीय अहवाल त्याकडे संशयाने पाहत आहेत.

ड्रुझ समुदाय: हे लोक कोण आहेत? Israel Attack Syria। 

ड्रुझ समुदाय हा एक विशेष अल्पसंख्याक गट आहे जो अरब वंशाचा आहे, परंतु इस्लाम किंवा यहुदी धर्मावर विश्वास ठेवत नाही. ते ११ व्या शतकाच्या आसपास इजिप्तमध्ये राहत होते. त्यांचा धर्म हिंदू, बौद्ध आणि इतर श्रद्धांचे मिश्रण आहे. सीरियामध्ये सुमारे ७ लाख ड्रुझ समुदायाचे लोक राहतात. इस्रायलमध्ये त्यांची संख्या सुमारे १.५ लाख आहे. लेबनॉन, जॉर्डनमध्येही ड्रुझ समुदायाचे लोक मोठ्या संख्येने आहेत. गोलान हाइट्समध्ये सुमारे २९,००० ड्रुझ राहतात. इस्रायलचे ड्रुझ नागरिकही इस्रायली सैन्यात सेवा देतात.

अमेरिकेकडून हिंसाचाराचा तीव्र निषेध 

अमेरिकेचे विशेष दूत टॉम बॅरक म्हणाले की आम्ही स्वेदा येथे नागरिकांवरील हिंसाचाराचा तीव्र निषेध करतो. सर्व पक्षांनी माघार घ्यावी आणि अर्थपूर्ण संवाद साधावा. अमेरिकेने स्पष्ट केले आहे की नागरिक आणि अल्पसंख्याकांची सुरक्षा सुनिश्चित केली पाहिजे. गुन्हेगारांना जबाबदार धरले पाहिजे. शक्य तितक्या लवकर युद्धबंदी लागू करावी.

संयुक्त राष्ट्र सुरक्षा परिषदेत बैठक आयोजित  Israel Attack Syria। 

सीरियावर इस्रायली हल्ल्यानंतर, संयुक्त राष्ट्र सुरक्षा परिषदेने (UNSC) गुरुवारी (१७ जुलै २०२५) आपत्कालीन सत्रासाठी बैठक बोलावली आहे. अनाडोलू न्यूज एजन्सीच्या वृत्तानुसार, सीरियाच्या संयुक्त राष्ट्र मिशनने ही बैठक बोलावली आहे. याला सध्याचे UNSC सदस्य अल्जेरिया यांनी पाठिंबा दिला आहे. रॉयटर्सच्या वृत्तानुसार, संयुक्त राष्ट्रांमधील इस्रायलचे राजदूत डॅनन यांनी UNSC ला सीरियाच्या भूमीवर निर्दोष नागरिकांविरुद्ध सीरिया सरकारने केलेल्या क्रूर गुन्ह्यांचा निषेध करण्याचे आवाहन केले आहे. त्यांनी पुढे म्हटले आहे की इस्रायल त्याच्या सीमेवर कुठेही आणि कधीही कोणत्याही दहशतवादी धोक्याविरुद्ध कठोर कारवाई करत राहील.