Ishan Kishan Record : हरारेत इशान किशनची वादळी खेळी! शतक हुकले, पण विराट-रोहितच्या ऐतिहासिक रेकॉर्ड क्लबमध्ये थेट एन्ट्री
Ishan Kishan Record : या खेळीच्या जोरावर इशानने विराट कोहली आणि रोहित शर्मासारख्या दिग्गजांच्या स्पेशल क्लबमध्ये एन्ट्री मारली आहे.
Ishan Kishan Record IND vs ZIM 2nd T20I Join Rohit-Virat Club : आयसीसीच्या टी-२० क्रमवारीत अव्वल स्थानी विराजमान असलेल्या भारताच्या इशान किशनने हरारे स्पोर्ट्स क्लबवर पुन्हा एकदा आपल्या बॅटची जादू दाखवली आहे. झिम्बाब्वेविरुद्धच्या दुसऱ्या टी-२० सामन्यात त्याने अवघ्या ४४ चेंडूंत ९ चौकार आणि २ षटकारांच्या मदतीने ८१ धावांची तुफानी खेळी केली. जरी त्याचे दुसरे आंतरराष्ट्रीय टी-२० शतक थोडक्यात हुकले असले, तरी या खेळीच्या जोरावर त्याने विराट कोहली आणि रोहित शर्मासारख्या दिग्गजांच्या स्पेशल क्लबमध्ये एन्ट्री मारली आहे.
रोहित-विराटच्या ‘एलिट’ क्लबमध्ये इशानची एन्ट्री!
टी-२० कारकिर्दीतील १२ वे अर्धशतक झळकावणाऱ्या इशान किशनने आंतरराष्ट्रीय टी-२० मध्ये १३ व्या वेळी ‘फिफ्टी प्लस’ (५०+) धावा करण्याचा पराक्रम केला. यासह त्याने अभिषेक शर्माची बरोबरी करत सर्वाधिक ५०+ धावा करणाऱ्या भारतीय फलंदाजांच्या यादीत स्थान मिळवले आहे. या यादीत विराट कोहली (३९ वेळा) प्रथम स्थानी असून रोहित शर्मा (३७ वेळा), सूर्यकुमार यादव (२९ वेळा) आणि केएल राहुल (२४ वेळा) आघाडीवर आहेत.
THE ISHAN KISHAN SHOW. pic.twitter.com/m3wBjM2AO5
— Mufaddal Vohra (@mufaddal_vohra) July 25, 2026
२०२६ मधील ‘किंग’ ठरलाय इशान किशन!
The No.1 T20I batter stepping up 💪
1⃣2⃣th T20I FIFTY for Ishan Kishan 👌👌
Updates ▶️ https://t.co/Z8UUziVx8d#TeamIndia | #ZIMvIND | @ishankishan51 pic.twitter.com/Imf0C91Vcx
— BCCI (@BCCI) July 25, 2026
देशांतर्गत क्रिकेटमधील धडाकेबाज कामगिरीच्या जोरावर भारतीय संघात पुनरागमन करणाऱ्या इशानने २०२६ या कॅलेंडर वर्षात खोऱ्याने धावा केल्या आहेत. अभिषेक शर्माला पछाडत तो आयसीसी टी-२० रँकिंगमध्ये नंबर-१ फलंदाज बनला. २०२६ मध्ये सर्वाधिक धावा करणारा भारतीय फलंदाज म्हणूनही तो अव्वल स्थानी आहे.
इशान-तिलकची फटकेबाजी; भारताचे २२० धावांचे आव्हान
Innings Break!
Solid fifties from Ishan Kishan and Tilak Varma propel #TeamIndia to a strong total 🎯
Over to our bowlers to defend this 🙌
Scorecard ▶️ https://t.co/Z8UUziVx8d#ZIMvIND pic.twitter.com/1LM7Yv4qyF
— BCCI (@BCCI) July 25, 2026
इशान किशनच्या ८१ धावा आणि तिलक वर्माच्या २९ चेंडूंत ६० धावांच्या जोरावर भारताने निर्धारित २० षटकांत ५ बाद २१९ धावांचा डोंगर उभा करत झिम्बाब्वेसमोर २२० धावांचे विशाल लक्ष्य ठेवले आहे. यासह एका कॅलेंडर वर्षात टी-२० आंतरराष्ट्रीय क्रिकेटमध्ये सर्वाधिक ९ वेळा २०० हून अधिक धावा करण्याचा विक्रम भारताच्याच नावावर होता. २०२४ मध्ये भारताने ९ वेळा ही कामगिरी केली होती. आता २०२६ या एकाच वर्षात भारताने ९ व्यांदा २००+ धावा करून स्वतःच्याच विक्रमाची बरोबरी केली आहे.
