Iran Israel Ceasefire। मागच्या १२ दिवसांपासून इराण आणि इस्रायलमधील सुरु असणारे युद्ध अखेर थांबले आहे.  इराणच्या सरकारी वृत्तवाहिनीने याविषयीची घोषणा केली आहे. मात्र ही घोषणा करताना इराणने असा दावा केला आहे की अमेरिकेचे अध्यक्ष डोनाल्ड ट्रम्प यांनी जाहीर केलेल्या युद्धबंदीमागील खरे कारण इराणी रिव्होल्यूशनरी गार्ड्सची क्षेपणास्त्र कारवाई आहे. समोर आलेल्या माहितीनुसार, इराणने कतारमधील अमेरिकन हवाई तळ अल उदेदवर यशस्वी हल्ला केला, त्यानंतर ट्रम्प यांना आम्ही युद्धबंदीसाठी भाग पाडले” असे देखील इराणच्या माध्यमांनी म्हटले आहे.

इराणी माध्यमांनी दिलेल्या माहितीनुसार, “आमच्या क्षेपणास्त्रांमुळे ट्रम्प यांना गुडघे टेकण्यास भाग पाडले. त्यांनी वाकून युद्धबंदीची भीक मागितली. आता तुम्हाला सर्व प्रकारचे खोटे ऐकायला मिळेल!” असेही म्हटले. यासोबतच इराणी हल्ल्यानंतर अमेरिकन सरकारमध्ये घबराट पसरली आणि त्यामुळे ट्रम्प यांनी शांततेचा प्रस्ताव दिला असा मोठा दावा देखील इराणच्या माध्यमांनी केला आहे. Iran Israel Ceasefire। 

दरम्यान , यापूर्वी अमेरिकेचे राष्ट्राध्यक्ष डोनाल्ड ट्रम्प यांच्या मध्यस्थीनंतर दोन्ही देशांनी युद्धबंदीसाठी सहमती दर्शविली होती. परंतु युद्धबंदी लागू झाल्यानंतरही इराणने इस्रायलवर केलेल्या बॉम्बहल्ल्यामुळे संशयाची परिस्थिती निर्माण झाली होती. इस्रायली संरक्षण दलाने सांगितले की, इराणने एका तासात तीन वेळा क्षेपणास्त्र हल्ले केले आहेत आणि त्यात चार नागरिकांचाही मृत्यू झाला आहे. इस्रायलवरील हल्ल्यामुळे तेल अवीवमध्ये सायरन वाजवण्यात आले आणि लोकांना सुरक्षित ठिकाणी हलवण्यात आले. Iran Israel Ceasefire।

हेही वाचा
इराण-इस्रायल युद्धबंदी अन् १० सेकंदात ४ लाख कोटींची कमाई ; सेन्सेक्स ९०० अंकांनी तर निफ्टीने २५२०० चा टप्पा ओलांडला