IPL 2024 Playoffs : आयपीएल 2024 चा 57 वा सामना हैदराबादमध्ये आज (बुधवार, 8 मे) संध्याकाळी 7.30 पासून सनरायझर्स हैदराबाद आणि लखनऊ सुपर जायंट्स यांच्यात खेळवला जाईल. आता IPL 2024 च्या लीग टप्प्यात 15 पेक्षा कमी सामने शिल्लक आहेत. अशा स्थितीत गुणतालिकेत गोंधळाचे वातावरण आहे. एकीकडे आघाडीवर राहण्याची चढाओढ आहे, तर दुसरीकडे अनेक संघ गुणतालिकेत तिसऱ्या आणि चौथ्या स्थानासाठी लढत आहेत. सध्या, अव्वल कोलकाता नाइट रायडर्सपासून शेवटच्या स्थानावर असलेल्या गुजरात टायटन्सपर्यंत, ते अद्याप प्लेऑफच्या शर्यतीतून बाहेर पडलेले नाहीत. चला तर मग जाणून घेऊया… सध्या कोणता संघ प्लेऑफमध्ये पोहोचण्याची शक्यता आहे.

KKR आणि RR यांच्यात अव्वल स्थानासाठी लढत…

राजस्थान रॉयल्स आयपीएल 2024 च्या गुणतालिकेत बऱ्याच काळापासून अव्वल स्थानावर होते. पण आता चांगल्या नेट रन-रेटमुळे कोलकाता पहिल्या क्रमांकावर आहे. या दोन्ही संघांचे सध्या 16 गुण आहेत आणि दोन्ही संघ आणखी प्रत्येकी 3 सामने खेळणार आहेत. KKR आणि RR उर्वरित 3 सामन्यांमध्ये प्रत्येकी एक विजय नोंदवून प्लेऑफसाठी पात्र ठरतील. पण या 3 उरलेल्या सामन्यांमध्ये जो संघ अधिक विजय मिळवेल तो गुणतालिकेत अव्वल स्थान मिळवू शकेल.

CSK, SRH आणि LSG यांच्यात संघर्ष…

चेन्नई सुपर किंग्ज, सनरायझर्स हैदराबाद आणि लखनौ सुपर जायंट्स. या तिन्ही संघांनी आतापर्यंत 11 सामने खेळले असून तिन्ही संघांनी 6 वेळा विजय मिळवला आहे. चेन्नई, हैदराबाद आणि लखनौ सध्या गुणतालिकेत अनुक्रमे तिसऱ्या, चौथ्या आणि सहाव्या स्थानावर आहेत. तिन्ही संघांचे सध्या 12 गुण आहेत. CSK, SRH आणि LSG यांना 18 गुणांपर्यंत पोहोचण्याची आणि प्लेऑफमध्ये स्थान निश्चित करण्याची संधी आहे.  LSG ला अजून हैदराबादशी खेळायचे आहे. हा सामना बुधवारी(8 मे) होणार आहे आणि या सामन्याचा निकाल या तीन संघांच्या प्लेऑफमध्ये पोहोचण्याची शक्यता स्पष्ट करू शकतो.

दिल्ली कॅपिटल्सला नाही मिळणार कोणतीही गॅरटी

दिल्ली कॅपिटल्सचे सध्या 12 सामन्यांतून 12 गुण आहेत, त्यांना अजूनही RCB आणि LSG विरुद्ध सामने खेळायचे आहेत. उरलेले दोन सामने दिल्लीने जिंकले तरी 16 गुणच मिळवू शकतील. अशा स्थितीत डीसी प्लेऑफमध्ये पोहोचण्याची खात्री देता येणार नाही. दिल्ली कॅपिटल्सने उर्वरित 2 सामने जिंकले तरी निव्वळ धावगती सुधारावी लागेल कारण 16 गुण मिळवूनही संघ कोंडीत सापडू शकतो.

आरसीबी, पंजाब किंग्ज आणि गुजरात याची खडतर वाट….

RCB, पंजाब किंग्ज आणि गुजरात टायटन्स, या तिन्ही संघांनी IPL 2024 मध्ये आतापर्यंत 11 सामने खेळले आहेत. या संघांनी प्रत्येकी केवळ चार विजय नोंदवले आहेत, त्यामुळे त्यांचे सध्या 8 गुण आहेत. त्यांचे अजून तीन सामने बाकी आहेत. वेळापत्रक पाहिल्यास गुजरात टायटन्स 14 गुणांपर्यंत पोहोचू शकतो. त्याच वेळी, रॉयल चॅलेंजर्स बंगळुरू आणि पंजाब किंग्जपैकी फक्त एकच 14 गुणांचा आकडा गाठू शकतो कारण त्यांना अजून एकमेकांचा सामना करायचा आहे. दरम्यान, जर CSK ने गुजरात टायटन्सवर विजय मिळवला, तर RCB, PBKS आणि GT. हे तिन्ही संघ प्लेऑफच्या शर्यतीतून जवळपास पूर्णपणे बाहेर होतील.

IPL 2024 (DC vs RR Match 56) : पंचांशी हुज्जत घालणे पडलं महागात..! BCCI ची संजू सॅमसनवर मोठी कारवाई…

मुंबईचा मार्ग अशक्य!

मुंबई इंडियन्सचे 12 सामन्यांत 4 विजयानंतर 8 गुण झाले आहेत आणि संघ गुणतालिकेत 9व्या स्थानावर आहे. मुंबईसाठी फक्त 2 सामने शिल्लक आहेत आणि जर ते जिंकले तर MI चे गुण 12 पर्यंत पोहोचू शकतात. जर चेन्नई सुपर किंग्जने गुजरात टायटन्सचा पराभव केला तर मुंबई अधिकृतपणे बाद होईल. कारण SRH आणि LSG एकमेकांना सामोरे जाणार आहेत, त्यापैकी एक निश्चितपणे 14 गुणांवर पोहोचेल.