IPL 2024 & Royal Challengers Bengaluru : आयपीएल 2024 मध्ये ग्लेन मॅक्सवेल आतापर्यंत पूर्णपणे फ्लॉप ठरत आहे. रॉयल चॅलेंजर्स बंगळुरूचा (आरसीबी) फलंदाजी करणारा अष्टपैलू खेळाडू सध्या संघासाठी बॅटने कोणतीही कमाल करू शकलेला नाही. राजस्थानविरुद्ध खेळल्या गेलेल्या पाचव्या सामन्यात मॅक्सवेल केवळ 01 धावा करून पॅव्हेलियनमध्ये परतला. मॅक्सवेलने पाच डावांत एकदाही 30 धावांचा टप्पा ओलांडलेला नाही. पण मॅक्सवेलने 2023 मध्ये खेळल्या गेलेल्या एकदिवसीय विश्वचषकात अत्यंत चांगली कामगिरी केली होती.

ऑस्ट्रेलियन फलंदाजाने भारतीय भूमीवर खेळल्या गेलेल्या एकदिवसीय विश्वचषक 2023 मध्ये स्फोटक फलंदाजीचे प्रदर्शन सादर केले. पण त्याच भारतीय खेळपट्ट्यांवर मॅक्सवेल आयपीएलमध्ये सतत फ्लॉप होत आहे. अफगाणिस्तान विरुद्धच्या विश्वचषक सामन्यात, लक्ष्याचा पाठलाग करताना मॅक्सवेलने द्विशतक झळकावताना ऑस्ट्रेलियाला विजय मिळवून दिला होता. आणि त्या सामन्यात त्याला पायाला गंभीर दुखापतही झाली होती, ज्यामुळे तो दोन्ही पायांवर नीट उभेही राहू शकत नव्हता. अशातही त्याने धमाकेदार खेळी केली होती.

मात्र आयपीएलमध्ये पूर्णपणे तंदुरुस्त असूनही मॅक्सवेल काही करू शकलेला नाही. पाच डावांत फलंदाजी करताना मॅक्सवेल चार वेळा सिंगल डिजिट स्कोअरसह पॅव्हेलियनमध्ये परतला असून त्यात दोन शून्यांचाही समावेश आहे. त्याची सर्वोच्च धावसंख्या 28 आहे. पाच डावांमध्ये मॅक्सवेलने अनुक्रमे 00, 03, 28, 00 आणि 01 धावा केल्या. अशा खराब फॉर्ममुळे ऑस्ट्रेलियन खेळाडू ग्लेन मॅक्सवेल हा आरसीबीसाठी ओझे होत असल्याचे दिसत आहे.

Mumbai Indians : हार्दिक पांड्याच्या समर्थनार्थ सौरभ गांगुली मैदानात, म्हणाला “चाहत्यांनी त्याला ट्रोल करून…”

गोलंदाजीत दाखवत आहे अचूक लय…

मॅक्सवेल अनेकदा पार्ट टाइमर म्हणून गोलंदाजी करतो. पण या मोसमात तो आरसीबीसाठी मुख्य गोलंदाजापेक्षा चांगला दिसत आहे. एकीकडे आरसीबीचे पहिले तीन सामने खेळलेल्या अल्झारी जोसेफने एकही बळी घेतलेला नाही, तर मॅक्सवेलने 5 सामन्यात 4 फलंदाजांना आपला बळी बनवले आहे. आता येत्या सामन्यांमध्ये मॅक्सवेल कशी कामगिरी करतो हे पाहणे उत्सुकतेचे ठरणार आहे.