Hardik Pandya at Somnath Temple : मुंबई इंडियन्स सध्या वाईट काळातून जात आहे. आयपीएल 2024 मध्ये त्याने आतापर्यंत 3 सामने खेळले आहेत आणि सर्वांमध्ये त्याला पराभवाचा सामना करावा लागला आहे. या हंगामासाठी मुंबईने मोठा बदल केला आहे. त्याने रोहित शर्माला कर्णधारपदावरून हटवले आहे. त्याच्या जागी हार्दिक पांड्याकडे कमान सोपवण्यात आली आहे. मात्र सध्या तरी या बदलाचा संघाला काही फायदा होताना दिसत नाही. दरम्यान, हार्दिकला मोठ्या टीकेलाही सामोरे जावे लागले. शुक्रवारी तो दर्शनासाठी सोमनाथ मंदिरात पोहोचला.

#WATCH | Gujarat: Indian Cricket Team all-rounder Hardik Pandya offers prayers at Somnath Temple.

Source: Somnath Temple Trust pic.twitter.com/F8n05Q1LSA

— ANI (@ANI) April 5, 2024

खरंतर, कर्णधार झाल्यानंतर पांड्या ( #HardikPandya ) सोशल मीडियावर खूप ट्रोल झाला होता. यासोबतच संघाला सलग तीन सामन्यांत पराभवाचा सामना करावा लागला आहे. मुंबईचा पुढील सामना दिल्ली कॅपिटल्सशी होणार आहे. हा सामना 7 एप्रिल रोजी होणार आहे. या सामन्यापूर्वी कर्णधार पंड्या दर्शनासाठी सोमनाथ मंदिरात पोहोचला. येथे त्यांनी भगवान शंकराची प्रार्थना केली. पंड्या आणि मंदिर परिसराचा एक व्हिडिओही समोर आला आहे. एनआय ( ANI ) या वृत्तसंस्थेनं देखील हा व्हिडीओ एक्स (ट्विटर) वर शेअर केला आहे.

#WATCH | Gujarat: Indian Cricket Team all-rounder Hardik Pandya offers prayers at Somnath Temple.

Source: Somnath Temple Trust pic.twitter.com/F8n05Q1LSA

— ANI (@ANI) April 5, 2024

मुंबई इंडियन्सच्या कर्णधारपदाखाली खराब सुरुवात असताना हार्दिक पांड्या शुक्रवारी गुजरातमधील प्रभास पाटण येथील सोमनाथ मंदिरात पूजा करण्यासाठी पोहोचला. हार्दिकचा मंदिरात पूजा करतानाचा व्हिडिओ सोमनाथ मंदिर ट्रस्टने शेअर केला आहे. व्हिडिओमध्ये हार्दिक शिवलिंगावर जलाभिषेक करताना दिसत आहे. 1 एप्रिल रोजी राजस्थान रॉयल्सकडून पराभूत झाल्यानंतर हार्दिकचा मुंबई इंडियन्स संघ एका लहान ब्रेकवर आहे. त्याचा पुढील सामना 7 एप्रिल रोजी दिल्ली कॅपिटल्सविरुद्ध होणार आहे.

हार्दिक पांड्याच्या ( #HardikPandya ) मुंबई इंडियन्सला सलग तीन सामन्यांत पराभवाचा सामना करावा लागला आहे. पहिल्या सामन्यात मुंबईचा गुजरात टायटन्सकडून 6 धावांनी पराभव झाला होता. यानंतर सनरायझर्स हैदराबादकडून 31 धावांनी पराभव झाला. हैदराबादविरुद्ध मुंबईच्या गोलंदाजांना अत्यंत वाईट परिस्थितीचा सामना करावा लागला. हैदराबादने आयपीएलच्या इतिहासातील सर्वात मोठी धावसंख्या केली होती. यानंतर मुंबईचा राजस्थान रॉयल्सकडून 6 विकेट्सने पराभव झाला.

Mumbai Indians : “तर हा वाद…”, हार्दिकला कर्णधार बनवण्यावर रवी शास्त्रींनी केलं मोठं वक्तव्य

मुंबई इंडियन्सने पंड्याचा गुजरात टायटन्सशी व्यवहार केला होता. पंड्या याआधी गुजरात टायटन्सचा कर्णधार होता. आता या संघात येताच तो पुन्हा कर्णधार झाला आणि रोहितला कर्णधारपदावरून हटवण्यात आले. रोहित दीर्घकाळ संघाचा कर्णधार होता आणि त्याने आपल्या कर्णधारपदाखाली संघाला चॅम्पियनही बनवले. पण आता रोहित संघाचा कर्णधार नाही. त्यामुळे पांड्याला सोशल मीडियावर मोठ्या टीकेला सामोरे जावे लागत आहे.