कटक : सलामीवीर रोहित शर्मा, के एल राहुल आणि कर्णधार विराट कोहली यांच्या शानदार अर्धशतकी खेळीच्या जोरावर भारताने तिस-या आणि निर्णायक एकदिवसीय सामन्यात वेस्ट इंडिजवर ४ गडी आणि ८ चेंडू राखून विजय मिळवला आहे. या विजयासह भारताने तीन सामन्यांची मालिका २-१ ने जिंकली आहे. आजच्या सामन्यात ८५ धावा करणारा विराट कोहली सामनावीर तर मालिकेत २८५ धावा करणारा रोहित शर्मा मालिकावीर ठरला.

It’s 2-1 India! Virat Kohli and Co. beat West Indies by four wickets in the third ODI to cap off 2019 with a series win. 👏👏👌👌#INDvWI #TeamIndia @paytm pic.twitter.com/fJpP37tEBJ

— BCCI (@BCCI) December 22, 2019

दरम्यान, गेल्या १५ वर्षात भारतीय संघाने मायदेशात सलग दोन एकदिवसीय मालिका गमावलेल्या नाहीत आणि आज विडींजवर मालिकाविजय मिळवत हा विक्रम अबाधित राखला आहे तर दुसरीकडे १३ वर्षानंतर भारतात एकदिवसीय मालिका जिंकण्याची संधी विंडीजने गमावली आहे.

विजयासाठी ३१६ धावांचा पाठलाग करताना भारताच्या सलामीवीरांनी संयमी सुरूवात करत पहिल्या विकेटसाठी १२२ धावांची भागिदारी केली. रोहित शर्माला जेसन होल्डरने शाइ होपकरवी झेलबाद करत ही जोडी फोडली. रोहितने ६३ चेंडूत ८ चौकार आणि १ षटकारासह ६३ धावा केल्या. त्यानंतर विराटने राहुलसोबत ४५, अय्यरसोबत २१, पंतसोबत १३ , केदारसोबत २७ आणि जडेजासोबत ५६ धावांची महत्वपूर्ण भागिदारी केली.

श्रेयस अय्यर ७, रिषभ पंत ७ केदार जाधव ९ धावांवर बाद झाला. के एल राहुलने ८९ चेंडूत ८ चौकार आणि १ षटकारासह ७७ तर विराटने ८१ चेंडूत ९ चौकारासह शानदार ८५ धावा करत भारताच्या विजयात महत्वपूर्ण कामगिरी बजावली. त्यानंतर शेवटच्या क्षणी रविंद्र जडेजाने ३१ चेंडूत नाबाद ४० आणि शार्दुल ठाकूरने ६ चेंडूत नाबाद १७ धावा करत भारताच्या विजयावर शिक्कामोर्तब केला.

Ravindra Jadeja ends on 39* as India win by four wickets! 👏

India take the series 2-1 in a dramatic finish 🏆 #INDvWI pic.twitter.com/3HYcIvbZDV

— ICC (@ICC) December 22, 2019

वेस्ट इंडिजकडून कीमो पाॅलने ३ तर काॅटरेल, होल्डर आणि जोसेफने १ गडी बाद केला.

तत्पूर्वी, भारतीय कर्णधार विराटने नाणेफेक जिंकून क्षेत्ररक्षण स्विकारताना विंडीजला प्रथम फलंदाजीसाठी पाचारण केले होते. त्यानंतर वेस्टइंडिजने संयमी सुरूवात केली. विंडीजच्या सुरूवातीच्या चार फलंदाजानी एविन लुइस २१, शाइ होप ४२, शिमरन हेटमायर ३७ आणि राॅसटन चेजने ३८ धावांची खेळी करत संघाची धावसंख्या ३१.३ षटकांत ४ बाद १४४ पर्यंत नेली.

Pollard joins Pooran at the crease🏏 After 32 overs, WI are 145/4!

LIVE SCORES 📲⬇️https://t.co/IyLhZoE9lk#MenInMaroon #ItsOurGame #INDvWI pic.twitter.com/LYv0Mm1T15

— Windies Cricket (@windiescricket) December 22, 2019

त्यानंतर निकोलस पूरन आणि कायरन पोलार्ड यांनी शेवटच्या षटकांत तूफान फटकेबाजी करत संघाची धावसंख्या ५० षटकांत ५ बाद ३१५ पर्यंत नेली. निकोलस पूरन याने ६४ चेंडूत १० चौकार आणि ३ षटकारासह ८९ धावांची खेळी केली तर कायरन पोलार्डने ५१ चेंडूत ३ चौकार आणि ७ षटकारासह नाबाद ७४ धावांची खेळी केली.

#INDvWI -> P+P=🔥 What a partnership! The HIGHEST 5th wicket partnership for WI v India in ODIs!#MenInMaroon 🌴 #ItsOurGame pic.twitter.com/4GemnXZAkh

— Windies Cricket (@windiescricket) December 22, 2019

भारतीय गोलंदाजानी सुमार कामगिरी केली. शेवटच्या ५ षटकात विंडीज फलंदाजानी ७७ धावा चोपल्या. भारताकडून गोलंदाजीत नवदीप सैनीने पदार्पणाच्या सामन्यात १० षटकात ५८ धावा देत २ गडी बाद केले. तर शार्दुल ठाकूरने ६६/१, मोहम्मद शमीने ६६/१ आणि रविंद्र जडेजाने ५४/१ गडी बाद केला.