Indian women fan target Abrar Ahmed video viral : टीम इंडियाचा स्टार फलंदाज शुबमन गिल सध्या आयपीएलमध्ये व्यस्त आहे. आयपीएल २०२५ मध्ये गुजरात टायटन्सचे नेतृत्व करणारा गिल पुन्हा एकदा या स्पर्धेचे जेतेपद पटकावण्यावर पूर्णपणे लक्ष केंद्रित करत आहे. पण त्याच दरम्यान, भारतापासून हजारो किलोमीटर दूर, न्यूझीलंडमध्ये, अचानक शुबमनचा उल्लेख झाला, तोही न्यूझीलंड आणि पाकिस्तान यांच्यातील सामन्यात. हे सर्व एका भारतीय चाहतीमुळे घडले, जीने दोन्ही संघांमधील सामन्यादरम्यान पाकिस्तानी खेळाडू अबरार अहमदला त्यासाठी घेरले, ज्यामुळे तो काही दिवसांपूर्वी चर्चेत आला होता. अबरार अहमद आणि भारतीय चाहतीचा व्हिडीओ व्हायरल – खरं तर, आयपीएलचा १८ वा हंगाम जोरात सुरू असताना, न्यूझीलंड आणि पाकिस्तान यांच्यात एक आंतरराष्ट्रीय मालिका खेळली जात आहे. न्यूझीलंडमध्ये खेळल्या जाणाऱ्या या मालिकेत, यजमान संघ वर्चस्व गाजवत आहे, त्यांनी प्रथम टी-२० मालिकेत पाकिस्तानला पराभूत केले आहे आणि आता एकदिवसीय मालिकेतही त्यांना पराभूत केले आहे. या एकदिवसीय मालिकेतील दुसऱ्या सामन्यादरम्यान, पाकिस्तानी फिरकी गोलंदाज अबरारला एका भारतीय चाहतीमो लक्ष्य केले. ज्याचा व्हिडीओ व्हायरल होत आहे. भारतीय चाहतीने अबरार अहमदला केले लक्ष्य – https://twitter.com/uroojjawed12/status/1907351758671933600 बुधवारी, २ एप्रिल रोजी हॅमिल्टनमध्ये खेळल्या गेलेल्या सामन्यात पाकिस्तानी संघाला दारुण पराभव पत्करावा लागला. पण न्यूझीलंडच्या खेळाडूंसमोर पाकिस्तानी खेळाडूंना केवळ लाजिरवाणेपणाचा सामना करावा लागला नाही तर एका भारतीय चाहतीने पाकिस्तानी फिरकी गोलंदाज अबरार अहमदलाही फटकारले. या सामन्यात अबरार प्लेइंग इलेव्हनचा भाग नव्हता. अशा परिस्थितीत, जेव्हा तो पाण्याची बाटली घेऊन सीमेजवळून जात होता, तेव्हा भारतीय वंशाच्या एका महिलेने त्याला अडवले आणि विचारले की तो काही दिवसांपूर्वी भारतीय फलंदाज शुबमन गिलला काय इशारे करत होता. हेही वाचा – IPL 2025 : ‘रिंकू सिंगपासून सावध राहा…’, विराटनंतर आता रोहितकडे केली ‘ही’ मागणी, मुंबईने सर्वांना केले सतर्क चॅम्पियन्स ट्रॉफीमध्ये झाला होता वाद – या घटनेचा व्हिडीओ सोशल मीडियावर व्हायरल झाला आहे. ज्यामुळे चाहते त्याचा खूप आनंद घेत आहेत. या चाहतीचा प्रश्न भारत आणि पाकिस्तान यांच्यात झालेल्या चॅम्पियन्स ट्रॉफी सामन्याबद्दल होता. २३ फेब्रुवारी रोजी दुबईमध्ये भारत आणि पाकिस्तान संघ आमनेसामने आले होते. विराट कोहलीच्या शतकाच्या जोरावर टीम इंडियाने हा सामना सहज जिंकला होता. जेव्हा पाकिस्तानी संघाचा पराभव निश्चित वाटत होता, तेव्हा अबरारने गिलला एका शानदार चेंडूने बाद केले. पण यानंतर त्याने गिलला निघून जाण्याचा इशारा केला, जो चाहत्यांना आवडला नव्हता. केवळ चाहतेच नाही तर माजी पाकिस्तानी खेळाडूंनीही अबरारवर टीका केली होती.
