Indian Ship Sunk : इराण आणि अमेरिकेतील वाढत्या वादामुळे ‘स्ट्रेट ऑफ होर्मुज’ परिसरात (Indian Ship Sunk) आधीच मोठा तणाव असताना, आंतरराष्ट्रीय समुद्रातून एक मोठी बातमी समोर आली आहे.

ओमानच्या किनाऱ्याजवळ रविवारी पहाटे भारतीय ध्वज असलेले ‘विराट’ नावाचे व्यापारी जहाज तांत्रिक (Indian Ship Sunk) बिघाडामुळे समुद्रात बुडाल्याची धक्कादायक घटना घडली आहे.

या जहाजावर १४ भारतीय क्रू मेंबर्स (खलाशी) होते. सुदैवाने अमेरिकन नौदल आणि ओमानच्या अधिकाऱ्यांनी तत्परता दाखवत राबवलेल्या संयुक्त बचाव मोहिमेमुळे सर्व १४ भारतीय खलाशांना सुरक्षित बाहेर काढण्यात यश आले आहे.

पहाटे घडली घटना

मिळालेल्या माहितीनुसार, ही दुर्घटना रविवारी पहाटेच्या सुमारास ओमानच्या ‘रास अल हद्द’ पासून पूर्व दिशेला सुमारे ८० नॉटिकल मैल अंतरावर घडली. भरसमुद्रात अचानक ‘विराट’ जहाजाचे इंजिन निकामी झाले. त्यानंतर जहाजात वेगाने पाणी भरण्यास (Indian Ship Sunk) सुरुवात झाली आणि जहाज बुडू लागले.

आपली बोट बुडत असल्याचे लक्षात येताच जहाजावरील भारतीय क्रू मेंबर्सनी तातडीने आंतरराष्ट्रीय आपत्कालीन संदेश (Distress Signal) जारी केला. हा संदेश मिळताच ओमानचे सागरी सुरक्षा अधिकारी, अमेरिकेचे नौदल आणि परिसरात असलेल्या इतर व्यापारी जहाजांनी तात्काळ मदतीचा हात पुढे केला.

अमेरिकन नौदलाचे ‘P-8 पेट्रोल एअरक्राफ्ट’ मदतीला धावले

आपत्कालीन संदेश मिळताच अमेरिकन सैन्य दलाने कोणतीही वेळ न घालवता आपले अत्याधुनिक ‘P-8 मेरीटाइम पेट्रोल एअरक्राफ्ट’ (P-8 Maritime Patrol Aircraft) शोध मोहिमेसाठी रवाना केले. या विमानाने बुडणाऱ्या जहाजाचा अचूक माग काढला. अमेरिकन नौदल, ओमानचे सुरक्षा रक्षक आणि जवळून जाणाऱ्या इतर जहाजांवरील कर्मचाऱ्यांनी समुद्रात युद्धपातळीवर रेस्क्यू ऑपरेशन राबवून १४ ही भारतीय खलाशांना मृत्यूच्या जबड्यातून सुखरूप बाहेर काढले.

‘स्ट्रेट ऑफ होर्मुज’मध्ये युद्धाचे ढग; इराण-अमेरिका वाद पेटला

ही दुर्घटना तांत्रिक कारणामुळे घडली असली, तरी या परिसरातील एकूण परिस्थिती सध्या अत्यंत संवेदनशील बनली आहे. ‘स्ट्रेट ऑफ होर्मुज’ हा जागतिक व्यापारी वाहतुकीसाठी अत्यंत महत्त्वाचा मार्ग मानला जातो, मात्र सध्या इराण आणि अमेरिकेतील थेट तणावामुळे हा मार्ग व्यापारी जहाजांसाठी असुरक्षित बनला आहे.

गेल्या काही दिवसांत भारतीय खलाशी असलेल्या वेगवेगळ्या व्यापारी जहाजांवर तीन मोठे हल्ले झाले आहेत. या हल्ल्यांमध्ये तीन क्रू मेंबर्सचा दुर्दैवी मृत्यू झाला असून, यामुळे आंतरराष्ट्रीय स्तरावर वातावरण चांगलेच तापले आहे. अमेरिकेने या व्यापारी जहाजांवरील हल्ल्यांसाठी थेट इराणला जबाबदार धरले आहे, तर दुसरीकडे व्यापारी जहाजांच्या सुरक्षेचा प्रश्न आता अधिक ऐरणीवर आला आहे.