general ticket booking app – रेल्वेच्या जनरल डब्यातून प्रवास करणाऱ्या प्रवाशांसाठी एक आनंदाची बातमी आहे. आता जनरल डब्याची तिकिटे घेण्यासाठी स्टेशनवर रांगेत उभे राहावे लागणार नाही. रेल्वेने जनरल डब्यातून प्रवास करणाऱ्या प्रवाशांना सुलभ तिकीट सुविधा उपलब्ध करून देण्यासाठी मोबाईल ॲपवरील प्लेस्टोअरमध्ये UTS हे अॅप आहे, या अॅपवरून प्रवासी आता कोणत्याही ठिकाणाहून जनरल ट्रेनचे तिकीट बुक करू शकतात.

आता यूटीएस मोबाइल ॲपद्वारे प्रवासी कुठेही बसून रेल्वे तिकीट बुक करू शकतात. या अॅपमुळे लांबलचक रांगांपासून प्रवाशांची सुटका होणार आहे. दरम्यान हे अॅप आधी मर्यादित स्वरुपात होते. मात्र आता या अॅपवरुन तुम्ही कुठलेही तिकीट काढू शकता. (उदा. तुम्हाला पुण्यावरून परळी वैजनाथ येथे जायचे असले तर तुम्हाला जनरल डब्याचे तिकिट घेण्यासाठी रांगेत उभे रहावे लागणार नाही. तुम्ही तुमच्या मोबाईलमध्ये UTS हे अॅप डाऊनलोड करुन त्यावरुन तिकीट बुक करू शकता. हे रेल्वे विभागाचे अधिकृत अॅप आहे.)

अनारक्षित तिकिटांवर प्रवास करणाऱ्या प्रवाशांनी मोबाइल तिकीट ॲपवर यूटीएस वापरण्याचे आवाहन रेल्वे प्रशासनाने केले आहे. यूटीएस ॲपद्वारे तुम्ही जनरल तिकीट कसे बुक करू शकता ते आम्ही तुम्हाला सांगतो. खालील मुद्दे लक्षपूर्वक वाचा –

यूटीएस ॲपवरून जनरल तिकीट कसे बुक करावे –

1: जनरल रेल्वे तिकीट ऑनलाइन बुक करण्यासाठी, तुम्हाला प्रथम तुमच्या मोबाइलमध्ये UTS ॲप डाउनलोड करावे लागेल.

2: आता यानंतर तुम्हाला तुमचे नाव, मोबाईल नंबर संबंधित माहिती भरून ॲपमध्ये नोंदणी करावी लागेल.

3: UTS ॲपमध्ये नोंदणी केल्यावर, तुम्हाला तुमच्या मोबाइल नंबरवर एक OTP प्राप्त होईल. हा OTT टाकून तुम्ही ॲपमध्ये साइन अप करू शकाल.

4: आता यानंतर तुमच्या नोंदणीकृत मोबाईल नंबरवर आयडी आणि पासवर्ड येईल. ज्याद्वारे तुम्ही UTS ॲपमध्ये लॉग इन करू शकाल.

5: आता तिकीट बुक करण्यासाठी, तुम्हाला ॲपमध्ये तिकीट कुठून बुक करायचे आहे, कुठून कुठे जायचे आहे ते तपशील टाकावे लागतील.

6: आता यानंतर Next आणि Get Fare वर क्लिक करा आणि Book Ticket बटण दाबा. तुम्ही R-Wallet/UPI/Net Banking/Card यासह अनेक पेमेंट पद्धती वापरून तिकिटे बुक करू शकता.

7: आता तिकीट ॲपमध्ये दिसेल. तुमची इच्छा असल्यास, तुम्ही तिकीट प्रिंट करून घेऊ शकता.