Nishan Velupillay FIFA World Cup 2026 Debut : ‘फिफा विश्वचषक २०२६’ (FIFA World Cup) च्या महाकुंभातून भारतासाठी एक अत्यंत अभिमानास्पद आणि ऐतिहासिक बातमी समोर आली आहे. भारतीय वंशाचा स्टार फुटबॉलपटू निशान वेलुपिल्लई (Nishan Velupillay) याने फिफा विश्वचषकाच्या मुख्य मैदानावर पाऊल ठेवत इतिहास रचला आहे. ग्रुप ‘D’ मधील ऑस्ट्रेलिया आणि तुर्की यांच्यात झालेल्या अत्यंत सामन्यात ऑस्ट्रेलियाने २-० असा ऐतिहासिक विजय मिळवला. निशान या ऐतिहासिक उलटफेराचा आणि विजयाचा महत्त्वाचा साक्षीदार ठरला आहे.

६१ व्या मिनिटाला मैदानात उतरला अन् इतिहास रचला –

एंग्लो-इंडियन आई जिलियन वेलुपिल्लई यांचा मुलगा असलेला २४ वर्षीय निशान ऑस्ट्रेलियातील सर्वात प्रतिभावान फुटबॉलपटूंपैकी एक मानला जातो. देशांतर्गत फुटबॉलमधील चमकदार कामगिरीच्या जोरावर त्याने २०२४ मध्ये ऑस्ट्रेलियाच्या मुख्य संघात स्थान मिळवले होते.

Nishan Velupillay makes his World Cup debut. 🇮🇳🇦🇺 pic.twitter.com/3mN8Io2xT4

— IFTWC – Indian Football (@IFTWC) June 14, 2026

तुर्कीविरुद्धच्या सामन्यात ६१ व्या मिनिटाला बदली खेळाडू म्हणून तो मैदानात उतरला. याच क्षणी फिफा विश्वचषक २०२६ मध्ये खेळणारा तो पहिला भारतीय वंशाचा खेळाडू ठरला. दुसऱ्या हाफमध्ये मैदानात आल्यामुळे त्याला आक्रमक खेळ दाखवण्याची फारशी संधी मिळाली नाही, परंतु त्याचे हे पदार्पण भारतीय चाहत्यांसाठी ऐतिहासिक ठरले आहे. त्याने ऑस्ट्रेलियासाठी ८ आंतरराष्ट्रीय सामन्यांत ३ गोल केले आहेत.

हेही वाचा – Mumbai T20 Fight : मुंबई टी-२० लीगच्या फायनलमध्ये तुफान राडा! शेवटच्या ओव्हरमध्ये दोन्ही संघाचे खेळाडू भिडले; पाहा VIDEO

ऑस्ट्रेलियाचा २२ वर्षांनंतर मोठा उलटफेर –

Absolute SCENES in Melbourne as Australia fans are going wild after the huge FIFA World Cup win! 🗣️ pic.twitter.com/xHlnDrQbuB

— FOX Soccer (@FOXSoccer) June 14, 2026

या हायव्होल्टेज सामन्यात ऑस्ट्रेलियाने सुरुवातीपासूनच तुर्कीवर दबाव राखला. सामन्याच्या २७ व्या मिनिटाला २० वर्षीय नेस्तोरी इरानकुंडा याने गोल करून ऑस्ट्रेलियाला १-० अशी आघाडी मिळवून दिली. त्यानंतर ७५ व्या मिनिटाला कॉनर मेटकॉफ याने २० यार्डांवरून एक अप्रतिम आणि वेगवान शॉट मारत दुसरा गोल केला आणि संघाला २-० अशी भक्कम आघाडी मिळवून दिली. तुर्कीच्या खेळाडूंनी पुनरागमन करण्याचे अनेक प्रयत्न केले, मात्र ऑस्ट्रेलियन गोलरक्षक पॅट्रिक बीच याने त्यांचे सर्व प्रयत्न हाणून पाडले. यासह ऑस्ट्रेलियाने तब्बल २२ वर्षांच्या प्रदीर्घ प्रतीक्षेनंतर तुर्कीचा पराभव करून विश्वचषकात विजयी सुरुवात केली आहे.