Indian Cricketers GPS Performance Tracking Device Black Vest Explained : सध्या वेस्ट इंडिजचा संघ भारत दौऱ्यावर आला असून दोन्ही संघांतील वनडे मालिका नुकतीच पार पडली आहे. यानंतर आता टी-२० मालिकेला मंगळवारी सुरुवात झाली आहे. मात्र, या मालिकांदरम्यान सोशल मीडियावर भारतीय खेळाडूंच्या जर्सीच्या पाठीवर दिसणाऱ्या एका उठावदार भागाची जोरदार चर्चा सुरू आहे. मोहम्मद सिराजने जर्सी काढल्यानंतर त्याच्या पाठीवर काळ्या रंगाचे एक उपकरण दिसले होते; हे उपकरण नक्की काय आहे आणि खेळाडू ते का वापरतात, याचे गूढ आता उलगडले आहे.

दोन्ही खांद्यांच्या मध्ये काय असतं? ‘कॉम्प्रेशन व्हेस्ट’चे रहस्य!

खेळाडूंच्या पाठीवर दिसणारा हा भाग म्हणजे प्रत्यक्षात ‘जीपीएस परफॉर्मन्स-ट्रॅकिंग डिव्हाइस’ (GPS Performance Tracking Device) आहे. हे उपकरण एका खास काळ्या रंगाच्या कॉम्प्रेशन व्हेस्टच्या (इनर) मागील पाऊचमध्ये बसवले जाते, जे दोन्ही खांद्यांच्या ब्लेड्सच्या अगदी मध्यभागी स्थिर राहते. हे ट्रॅकर्स प्रामुख्याने ‘STATSports’ सारख्या जागतिक कंपन्यांकडून तयार केले जातात.

कशासाठी वापरलं जातं हे उपकरण?

Hey @grok, what’s this gadget that every Indian cricketer uses? 😱 https://t.co/eOHuJFKvkN

— Mukku (@Cric_Mukku) October 6, 2026

सामन्यादरम्यान किंवा सराव सत्रात खेळाडूने कापलेले एकूण अंतर, त्याचा कमाल वेग, वेगातील बदल (Acceleration), हृदयाचे ठोके आणि खेळाडूच्या शरीरावर येणारा एकूण शारीरिक ताण (Physical Load) यांची अचूक आकडेवारी हे डिव्हाइस रिअल टाइममध्ये नोंदवून थेट संघ व्यवस्थापनापर्यंत पोहोचवते. या आधुनिक तंत्रज्ञानाचा मुख्य उद्देश खेळाडूंची फिटनेस पातळी सर्वोच्च ठेवणे आणि दुखापतींचा धोका आधीच ओळखून तो कमी करणे हा आहे. खेळाडूवर अतिरिक्त ताण येत असल्यास व्यवस्थापन त्याच्या सरावाचे नियोजन बदलते. आधुनिक उच्चस्तरीय क्रिकेटमध्ये खेळाडूंची क्षमता टिकवून ठेवण्यासाठी हे उपकरण अत्यंत महत्त्वाचे ठरले आहे.

हेही वाचा – Hetmyer Run Out : क्रीजच्या आत बॅट असूनही दिला आऊट! लखनौमध्ये पंचांशी भिडला वेस्ट इंडिजचा खेळाडू, VIDEO होतोय व्हायरल

वनडेनंतर टी-२० मध्येही भारतीय संघाचा झंझावात!

भारतीय Cricket खिलाड़ी एक नए Gadget को पीछे लगाकर खेलते नजर आ रहे हैं

यह करीब ₹25 से ₹40 Lakh की कीमत वाला gadget ही खिलाड़ियों की ताकत का असली खजाना बताया जाता है

क्या कोई इसके बारे में बता सकता है? https://t.co/HMwTQ7chKX

— Gurdayal Singh (@Gurdayal_1984) October 7, 2026

एकदिवसीय मालिकेत गिलचे द्विशतक, तसेच रोहित, कोहली आणि राहुलच्या शतकांच्या बळावर भारताने मालिका जिंकली होती. त्यानंतर आता टी-२० मालिकेतही भारतीय संघाने विजयी सलामी दिली असून, श्रेयस अय्यरच्या शतकासह टीम इंडियाची ही दमदार कामगिरी खेळाडूंच्या याच कठोर फिटनेस आणि अत्याधुनिक नियोजनाचे फलित मानली जात आहे.