India Overseas Win : गौतम गंभीरच्या मार्गदर्शनाखाली टीम इंडियाचा मोठा पराक्रम! न्यूझीलंडमध्ये पहिल्यांदाच केली ऐतिहासिक कामगिरी
India Overseas Win : न्यूझीलंडमधील टी-२० मालिकेनंतर भारतीय संघाने एकदिवसीय मालिकाही जिंकली. भारतीय संघासाठी हा दौरा आतापर्यंत चांगला ठरला आहे. आता भारतीय संघाचे लक्ष दोन सामन्यांच्या कसोटी मालिकेवर आहे.
India Wins ODI And T20I Series In New Zealand Shreyas Iyer Gautam Gambhir First Overseas ODI Series Win : भारतीय संघाने न्यूझीलंडविरुद्धचा पाचवा आणि अखेरचा एकदिवसीय सामना २२ धावांनी जिंकत पाच सामन्यांची मालिका ३-१ ने खिशात घातली आहे. या सामन्यात भेदक गोलंदाजी करणाऱ्या अर्शदीप सिंगला ‘प्लेअर ऑफ द मॅच’ पुरस्काराने गौरवण्यात आले. २०२४ मध्ये गौतम गंभीर मुख्य प्रशिक्षक बनल्यानंतर परदेशी भूमीवर भारताचा हा पहिलाच एकदिवसीय मालिका विजय ठरला आहे. यासह भारतीय संघाने एक खास पराक्रम केला आहे.
टीम इंडियाने पहिल्यांदाच करून दाखवलं –
या न्यूझीलंड दौऱ्यात वनडे मालिकेपूर्वी भारताने टी-२० मालिकाही (३-२) जिंकली होती; त्यामुळे न्यूझीलंडमध्ये एकाच दौऱ्यात एकदिवसीय आणि टी-२० अशा दोन्ही मालिका जिंकण्याची ऐतिहासिक कामगिरी टीम इंडियाने पहिल्यांदाच करून दाखवली आहे. यानंतर श्रेयस अय्यरने संपूर्ण मालिकेचे श्रेय गोलंदाजांना दिले. कठीण परिस्थितीतही गोलंदाजांनी केलेला मारा आणि संघातील प्रत्येक खेळाडूची लढाऊ मानसिकता वाखाणण्याजोगी असल्याचे त्याने आवर्जून नमूद केले..
‘आम्हाला आमच्या गोलंदाजांवर पूर्ण विश्वास होता’; कर्णधार श्रेयस अय्यरची प्रतिक्रिया
𝙒.𝙄.𝙉.𝙉.𝙀.𝙍.𝙎 🤩
#TeamIndia make it 2️⃣ out of 2️⃣ series wins so far in New Zealand 🏆👌
#NZvIND https://t.co/G4a496NyFX
— BCCI (@BCCI) November 15, 2026
या ऐतिहासिक विजयानंतर कर्णधार श्रेयस अय्यरने आनंद व्यक्त केला. सामन्यानंतर बोलताना तो म्हणाला, “न्यूझीलंडमधील हवामान सतत बदलत होते आणि प्रत्येक पावलावर नव्या आव्हानांचा सामना करावा लागला. या सामन्यात आम्ही मोठी धावसंख्या उभारू शकलो नाही, तरीही सर्व खेळाडूंना आपल्या गोलंदाजीवर आणि रणनीतीवर पूर्ण विश्वास होता. आम्ही कधीही सामन्याचा निकाल पालटू शकतो, हा आत्मविश्वास अखेर खरा ठरला.”
ही मालिका फलंदाजांची नव्हे, तर गोलंदाजांचीच; अय्यरकडून कौतुकाचा वर्षाव
या मालिकेतील पहिले दोन सामने जिंकल्यानंतर आणि चौथ्या सामन्यातील पराभवानंतर भारताने अखेरच्या सामन्यात शिस्तबद्ध खेळ केला. अर्शदीप सिंगने (३/३०), मोहम्मद सिराजने (२/५०) आणि अक्षर पटेलने (२/२८) किवी फलंदाजांना मोठी खेळी करू न देता भारताला ऐतिहासिक मालिका विजय मिळवून दिला
