Arshdeep Singh Mohammed Siraj Partnership IND vs NZ 5th ODI Fiancee Credit : न्यूझीलंडविरुद्धच्या पाचव्या आणि निर्णायक एकदिवसीय सामन्यात भारताने २२ धावांनी थरारक विजय मिळवत मालिका ३-१ ने खिशात घातली. या ऐतिहासिक विजयात गोलंदाजांसोबतच अखेरच्या गड्यासाठी मोहम्मद सिराज आणि अर्शदीप सिंग यांनी अवघ्या १० चेंडूंत केलेली २६ धावांची भागीदारी निर्णायक ठरली. सामन्यानंतर ‘प्लेअर ऑफ द मॅच’ ठरलेल्या अर्शदीप सिंगने सिराजसोबत मैदानावर नेमकी काय चर्चा झाली होती आणि आपल्या या यशाचे खरे श्रेय कोणाला जाते, याचा मनमोकळा खुलासा केला.

‘मी चेंडूला घाबरत नाही…’; फलंदाजीबद्दल अर्शदीपचे मिश्किल उत्तर

आपल्या फलंदाजीबाबत बोलताना अर्शदीप म्हणाला, “मला फलंदाजी करायला खूप आवडते आणि मी ११ व्या क्रमांकावर खेळतानाही त्याचा पुरेपूर आनंद घेतो. मी जागा तयार करून मोठे फटके मारण्याचा प्रयत्न करतो. संघातील काही जण म्हणतात की मी चेंडूला घाबरतो; पण मी न घाबरता चेंडूचा सामना करतो.” अर्शदीपने जेकब डफीच्या षटकात दोन उत्तुंग षटकार खेचत ४ चेंडूंत १४ धावा चोपल्या.

२०० धावांचा टप्पा गाठण्याची सिराजसोबत आखली होती रणनीती –

TUSSI KAMAAL KAR DITTA! 💥

Arshdeep Paaji bringing out the big hits! 🚀

Watch HERO VIDA India Tour of New Zealand, 5th ODI, LIVE NOW on Sony Sports Network TV channels, Sony Vizha & Sony LIV.

#SonySportsNetwork #SonyVizha #SonyLIV #NZvIND https://t.co/MWPEIi5Z3L

— Sony Sports Network (@SonySportsNetwk) November 15, 2026

४१ व्या षटकात १८३ धावांवर इशान किशन बाद झाल्यानंतर अर्शदीप आणि सिराजने भारताला २०९ धावांपर्यंत नेले. या भागीदारीबद्दल अर्शदीपने सांगितले की, “सिराजने मला सांगितले होते की या धावा खूप महत्त्वाच्या ठरणार आहेत. गोलंदाजी करताना बचाव करण्यासाठी २०० धावांचा टप्पा ओलांडणे गरजेचे होते आणि तेच ध्येय समोर ठेवून आम्ही खेळलो.” गोलंदाजीतील यशाचे गुपित सांगताना म्हणाला की, “सुरुवातीला लगेच विकेट्स मिळत नसले तरी आम्ही अचूक टप्प्यावर शिस्तबद्ध गोलंदाजी करणे सोडले नाही, ज्याचा फायदा मिळाला आणि आम्ही न्यूझीलंडला १८७ धावांवर रोखले.”

हेही वाचा – Mohit Ulva Mother : “असं वाटतंय की दिवाळी अजूनही सुरू आहे…”, भारताच्या विजयानंतर मोहित उल्वाच्या आईची भावुक प्रतिक्रिया

नुकत्याच झालेल्या साखरपुड्यानंतर होणाऱ्या पत्नीला दिले यशाचे श्रेय

I love my batting. Even if I’m batting at eleven, I enjoy it. And always trying to create room for myself and smash it. But some people on my team say that I’m scared of the ball. But I take it. I create room.

– Arshdeep Singh (POTM) 🔥 https://t.co/hydPqeB3gh

— VARAHA WARRIOR (@VarahaWarrior) November 15, 2026

नुकत्याच झालेल्या साखरपुड्याबाबत विचारले असता अर्शदीप भावुक होत म्हणाला, “माझ्या आयुष्यात एक अतिशय उत्तम जोडीदार आली आहे. ती मला नेहमी पाठिंबा देते आणि माझी मानसिकता सकारात्मक ठेवते. मैदानाबाहेरील शांततेचा परिणाम खेळावर होतो; त्यामुळे माझ्या यशाचे श्रेय तिलाही जाते.”