IND vs WI 1st ODI : भारत-वेस्ट इंडिज वनडे मालिकेला आजपासून सुरुवात; सामना कुठे पाहता येणार? जाणून घ्या संपूर्ण माहिती
IND vs WI 1st ODI : भारत-वेस्ट इंडिज यांच्यातील ही वनडे मालिका तीन सामन्यांची असून पहिल्या सामन्यात दोन्ही संघ विजयाने मालिकेची सुरुवात करण्याच्या प्रयत्नात असतील.
IND vs WI 1st ODI : भारत आणि वेस्ट इंडिज यांच्यातील तीन सामन्यांच्या एकदिवसीय मालिकेला आज रविवार, २७ सप्टेंबरपासून सुरुवात होत आहे. मालिकेतील पहिला सामना तिरुवनंतपुरम येथील ग्रीनफील्ड इंटरनॅशनल स्टेडियमवर खेळला जाणार आहे.
या सामन्यामुळे क्रिकेट चाहत्यांना बर्याच काळानंतर रोहित शर्मा आणि विराट कोहली यांना पुन्हा एकत्र मैदानावर पाहण्याची संधी मिळणार आहे. भारत-वेस्ट इंडिज यांच्यातील ही वनडे मालिका तीन सामन्यांची असून पहिल्या सामन्यात दोन्ही संघ विजयाने मालिकेची सुरुवात करण्याच्या प्रयत्नात असतील.
या मालिकेतील पहिला सामना विराट कोहलीसाठीही विशेष महत्त्वाचा ठरणार आहे. एकदिवसीय क्रिकेटमध्ये १५ हजार धावांचा टप्पा गाठण्यासाठी विराट काही अंतरावर आहे. त्यामुळे या सामन्यात त्याची कामगिरी कशी राहते, याकडे चाहत्यांसह क्रिकेटविश्वाचे लक्ष असणार आहे. (IND vs WI 1st ODI)
तिरुवनंतपुरमच्या ग्रीनफील्ड स्टेडियमवर होणाऱ्या या सामन्यात रोहित शर्मा आणि विराट कोहली यांच्या पुनरागमनामुळे सामन्याची उत्सुकता आणखी वाढली आहे. दरम्यान, हा सामना टीव्हीवर कोणत्या चॅनेलवर पाहता येणार? मोबाईल किंवा लॅपटॉपवर सामना ऑनलाइन आणि मोफत कुठे पाहता येईल? तसेच सामना नेमका किती वाजता सुरू होणार? या सर्व प्रश्नांची माहिती क्रिकेट चाहत्यांना जाणून घ्यायची आहे. त्यामुळे सामन्याच्या लाइव्ह प्रसारणापासून ऑनलाइन स्ट्रीमिंगपर्यंतची संपूर्ण माहिती जाणून घेऊया. (IND vs WI 1st ODI)
सामना कुठे आणि कसा पाहायचा? (IND vs WI 1st ODI)
भारत आणि वेस्ट इंडिज यांच्यातील पहिल्या वनडे सामन्याचे थेट प्रक्षेपण Star Sports Network वर केले जाणार आहे. त्यामुळे Star Sportsचे चॅनेल उपलब्ध असलेल्या प्रेक्षकांना टीव्हीवर या सामन्याचा थेट आनंद घेता येणार आहे.
तसेच मोबाईल, टॅबलेट किंवा लॅपटॉपवर सामना पाहू इच्छिणाऱ्या क्रिकेट चाहत्यांसाठी JioHotstar ॲप आणि वेबसाइटवर ऑनलाइन लाइव्ह स्ट्रीमिंगची सुविधा उपलब्ध असेल. त्यामुळे घराबाहेर असतानाही चाहत्यांना सामन्याचा आनंद घेता येईल.
मोफत टीव्हीवर सामना पाहू इच्छिणाऱ्या प्रेक्षकांसाठी DD Sports हा पर्याय उपलब्ध आहे. तुमच्या टीव्ही कनेक्शनमध्ये DD Sports चॅनेल उपलब्ध असल्यास भारत आणि वेस्ट इंडिज यांच्यातील पहिला वनडे थेट पाहता येणार आहे.
