Asian Champions Trophy 2024 (Ind vs Pak, Hockey) – आशियाई चॅम्पियन्स करंडक हॉकी स्पर्धेच्या उपांत्य फेरीत मजल मारलेल्या भारतीय संघासमोर राउंड रॉबिनच्या शेवटच्या लढतीत आज पारंपरीक प्रतिस्पर्धी पाकिस्तानचे आव्हान असणार आहे. हा सामना दुपारी 1.15 वाजता सुरू होईल. पाकिस्तानला स्पर्धेत वर्चस्व राखण्याचा भारताचा प्रयत्न असणार आहे. गतविजेता भारत चार विजयांसह अव्वल स्थानी असून पाकिस्तान दुसऱ्या स्थानावर आहे.

भारताने चीन, जपान, मलेशिया व दक्षिण कोरिया संघांना पराभूत करून अव्वल स्थान मिळविले आहे. पाकिस्ताने स्पर्धेत 2 विजय तर 2 बरोबरी केल्या आहेत. गतवर्षी झालेल्या स्पर्धेत भारताने पाकिस्तानाला 10-2 असे पराभूत केले होते. पॅरिस ऑलिम्पिकमध्ये कांस्य पदक मिळविणाऱ्या भारतीय संघाने या स्पर्धेत अव्वल कामगिरी केली असून कर्णधार हरमनप्रीत सिंगच्या नेतृत्वाखाली विजय साकारण्यासाठी उत्सुक असणार आहे.

भारताचा कर्णधार हरमनप्रीत म्हणाला की, मी अनेक वर्षांपासून पाकिस्तानच्या काही खेळाडूंच्या विरोधात खेळलो आहे. त्याच्याशी माझे चांगले संबंध असले तरी देखील मैदानावर मात्र प्रतिस्पर्ध्यांच्या विरोधात खेळताना भावनांवर नियंत्रण ठेवावे लागते.

Asian Champions Trophy 2024 : हॉकी इंडियाचा विजयी चौकार, दक्षिण कोरियला चारली पराभवाची धूळ…

लाइव्ह स्ट्रीमिंग….. 

भारतीय वेळेनुसार दुपारी 1.15 वाजता भारत आणि पाकिस्तानचे संघ आमनेसामने येतील. भारतीय चाहत्यांना सोनी नेटवर्कच्या टेन-1 आणि टेन-2 एचडीवर थेट प्रक्षेपण पाहता येणार आहे. याशिवाय, तुम्ही Sony Liv ॲप आणि Sony वेबसाइटवर लाइव्ह स्ट्रीमिंग पाहू शकाल. भारतीय चाहत्यांना सोनी लाइव्ह ॲपवर हिंदी आणि इंग्रजी भाषांमध्ये याचा आनंद घेता येणार आहे. जागतिक हॉकीमध्ये भारत आणि पाकिस्तान यांच्यात कोणताच सामना होत नाही, मात्र जगभरातील हॉकीचे चाहते या सामन्याची नक्कीच वाट पाहात असतील. दिवसाच्या इतर सामन्यांमध्ये मलेशियाचा सामना कोरियाशी तर चीनचा सामना जपानशी होणार आहे.