India US relationship। रशियातील तेल आणि टॅरिफवरून भारत आणि अमेरिकेतील संबंधांमध्ये तणाव आहे. अमेरिकेचे अध्यक्ष डोनाल्ड ट्रम्प यांनी पुन्हा एकदा पंतप्रधान नरेंद्र मोदींना खूप चांगले मित्र म्हटले आहे. पंतप्रधान मोदींनी यावर प्रतिक्रिया दिली आहे.

पंतप्रधान मोदींनी सोशल मीडियावर पोस्ट केले की, भारत आणि अमेरिका हे जवळचे मित्र आणि नैसर्गिक भागीदार आहेत. मला खात्री आहे की आमच्या व्यापार चर्चेमुळे भारत-अमेरिका भागीदारीच्या अमर्याद शक्यतांचा मार्ग मोकळा होईल. आमच्या टीम शक्य तितक्या लवकर या दिशेने चर्चा करण्यासाठी काम करत आहेत. मला राष्ट्राध्यक्ष ट्रम्प यांच्याशी बोलण्याचीही आशा आहे. आम्ही दोन्ही देशांच्या लोकांसाठी सोनेरी आणि अधिक समृद्ध भविष्य निर्माण करण्यासाठी काम करू.” India US relationship। 

अमेरिकेचे अध्यक्ष डोनाल्ड ट्रम्प यांनी या अगोदर त्यांच्या सोशल मीडिया प्लॅटफॉर्मवर पोस्ट केले होते आणि म्हटले होते की, भारत आणि अमेरिका व्यापारातील अडथळे दूर करण्यासाठी चर्चा सुरू ठेवत आहेत हे जाहीर करताना त्यांना आनंद होत आहे. त्यांनी म्हटले होते की येत्या आठवड्यात मी माझे खूप चांगले मित्र पंतप्रधान मोदी यांच्याशी बोलण्यास उत्सुक आहे. मला खात्री आहे की या संवादाचा आपल्या दोन्ही महान देशांसाठी यशस्वी निकाल लागेल.

शनिवारी ट्रम्प यांनी पंतप्रधान मोदी आणि अमेरिकेतील मजबूत संबंधांवर भर देत अमेरिका-भारत संबंधांना ‘विशेष’ म्हटले होते. ट्रम्प म्हणाले होते की मी नेहमीच पंतप्रधान मोदींचा मित्र राहीन. ते एक महान पंतप्रधान आहेत. मी नेहमीच मित्र राहीन, परंतु सध्या ते जे करत आहेत ते मला आवडत नाही. परंतु भारत आणि अमेरिकेतील संबंध खूप खास आहेत. काळजी करण्यासारखे काही नाही. कधीकधी आपल्यात काही मतभेद असतात. India US relationship।