India-Pakistan tensions। पाकिस्तानचे लष्करप्रमुख फील्ड मार्शल असीम मुनीर यांनी अमेरिकेच्या भूमीवरून भारताविरुद्ध अणुहल्ल्याची धमकी दिली आहे. “जर इस्लामाबादला भारताकडून अस्तित्वाचा धोका जाणवला तर ते ” स्वतःसोबत अर्ध्या जगाला घेऊन बुडणार”. अशी थेट धमकीच दिली आहे. अमेरिकेच्या भूमीवरून एखाद्या देशाच्या लष्करप्रमुखाने तिसऱ्या देशाविरुद्ध अणुहल्ल्याची धमकी देण्याची ही पहिलीच घटना आहे.

टाम्पा याठिकाणी  व्यापारी आणि मानद वाणिज्यदूत अदनान असद यांनी आयोजित केलेल्या ब्लॅक-टाय डिनरमध्ये पोहोचताना मुनीर यांनी मेळाव्यात ही धमकी दिली. त्यांनी याविषयी बोलताना,”आम्ही अणुसज्ज राष्ट्र आहोत. जर आम्हाला वाटले की आम्ही बुडत आहोत, तर आम्ही आमच्यासह अर्धे जग बुडवू.”अशी थेट धमकी यावेळी त्यांनी दिली.

‘भारताच्या धरणावर क्षेपणास्त्र हल्ला करणार’ India-Pakistan tensions।

भारतासोबतच्या चार दिवसांच्या संघर्षानंतर दोन महिन्यांत दुसऱ्या अमेरिकन भेटीत मुनीर यांनी सिंधू नदीवरील नियंत्रणावरून भारतावरही निशाणा साधला. ते म्हणाले, “आम्ही भारताने धरण बांधण्याची वाट पाहू आणि जेव्हा ते बांधेल तेव्हा आम्ही ते दहा क्षेपणास्त्रांनी नष्ट करू.”

एका इंग्रजी वर्तमानपत्रानुसार, “सिंधू नदी ही कोणत्याही भारतीय कुटुंबाची मालमत्ता नाही. आमच्याकडे क्षेपणास्त्रांची कमतरता नाही, अलहमदुलिल्लाह.”असे म्हटले आहे.

भारत मर्सिडीज, पाकिस्तान डंप ट्रक 

असिम मुनीर यांनी भारताची तुलना “महामार्गावर धावणाऱ्या मर्सिडीज” आणि पाकिस्तानची तुलना “कंडे आणि दगडांनी भरलेल्या डंप ट्रक” शी केली. “भारत हा महामार्गावर फेरारीसारखा चमकणारा मर्सिडीज आहे, परंतु आम्ही खडींनी भरलेल्या डंप ट्रक आहोत. जर ट्रक कारला धडकला तर कोणाचे नुकसान होईल?” असे म्हणत धमकावण्याचा प्रयत्न केला.

मुनीर यांनी दावा केला की “भारत स्वतःला विश्व गुरु म्हणून सादर करू इच्छितो, परंतु प्रत्यक्षात ते त्यापासून दूर आहे.” त्यांनी कॅनडामधील एका शीख नेत्याची हत्या, कतारमध्ये आठ भारतीय नौदल अधिकाऱ्यांची अटक आणि कुलभूषण जाधव प्रकरणाचा उल्लेख केला आणि दावा केला की या घटना आंतरराष्ट्रीय दहशतवादात भारताच्या कथित सहभागाचे “अकाट्य पुरावे” आहेत.

मुनीर लष्करी अधिकाऱ्यांना भेटले India-Pakistan tensions।
मुनीर यांनी अमेरिकेतील राजकीय आणि लष्करी अधिकाऱ्यांना तसेच पाकिस्तानी प्रवासींना भेटले. या दरम्यान, त्यांनी यूएस सेंट्रल कमांड (सेंटकॉम) चे निवृत्त कमांडर जनरल मायकेल कुरिएल यांच्या निवृत्ती समारंभाला आणि अ‍ॅडमिरल ब्रॅड कूपर यांच्या पदग्रहण समारंभाला उपस्थिती लावली.

मुनीर यांनी कुरिल्ला यांच्या नेतृत्वाची आणि अमेरिका-पाकिस्तान लष्करी संबंधांमधील त्यांच्या योगदानाची प्रशंसा केली. त्यांनी लष्करी सहकार्यावर चर्चा करण्यासाठी जॉइंट चीफ्स ऑफ स्टाफचे अध्यक्ष जनरल डॅन केन यांची भेट घेतली आणि त्यांना पाकिस्तानला भेट देण्याचे आमंत्रण दिले. गेल्या दोन महिन्यांत मुनीर यांचा हा दुसरा अमेरिकेचा दौरा होता. जूनमध्ये त्यांनी एका खाजगी जेवणाच्या वेळी राष्ट्राध्यक्ष डोनाल्ड ट्रम्प यांची भेट घेतली. त्यानंतर, दोन्ही देशांमध्ये तेल करारासह अनेक सहकार्याच्या घोषणा करण्यात आल्या.