तेहरान : चाबहार इथल्या शाहीद बेहेश्‍ती बंदर सुरु करण्याबाबतच्या प्रगतीबद्दल भारत आणि इराणनं समाधान व्यक्त केले आहे. या बंदरामुळे भारत आणि इराण, अफगाणिस्तान, मध्य आशिया, तसेच युरोपादरम्यान व्यापार संबंध आणि संपर्क व्यवस्था बळकट होईल.

परराष्ट्र व्यवहारमंत्री एस जयशंकर अणि इराणचे परराष्ट्र व्यवहारमंत्री डॉक्‍टर महम्मद जवाद जरीफ यांनी असे मत व्यक्त केले आहे. इराणची राजधानी तेहरान इथं काल जयशंकर आणि जरीफ यांच्या संयुक्त अध्यक्षतेखाली भारत-इराण संयुक्त आयोगाची 19 वी बैठक झाली.