कोलंबो :- जगभरातील 35 देशांच्या नागरिकांना व्हिसा मुक्त प्रवेश दिला जाईल, असे श्रीलंका सरकारने जाहीर केले आहे. या देशांच्या यादीमध्ये भारत, ब्रिटन आणि अमेरिकेचाही समावेश आहे. श्रीलंकेकडून ही सुविधा सहा महिन्यांसाठी दिली जाणार आहे आणि या निर्णयाची अंमलबजावणी १ ऑक्टोबरपासून सुरू करण्याचा निर्णय श्रीलंकेच्या मंत्रिमंडलाच्या बैठकीत घेण्यात आला आहे, असे पर्यटन मंत्रालयाचे सल्लागार.हरिन फर्नांडो यांनी सांगितले.

व्हिसा मुक्त प्रवेश दिला जाणार असलेल्या देशांमध्ये भारत,ब्रिटन, चीन, अमेरिका, जर्मनी, नेदरलँड, बेल्जियम, स्पेन, ऑस्ट्रेलिया, डेन्मार्क, पोलंड, कझाकिस्तान, सौदी अरेबिया, यूएई, नेपाळ, इंडोनेशिया, रशिया आणि थायलंड यांचा समावेश आहे.

Germany Stabbing Attack : जर्मनीतल्या हल्लेखोराचे आत्मसमर्पण, इस्लामिक स्टेटनेही स्वीकारली जबाबदारी…

इतर देशांमध्ये मलेशिया, जपान, फ्रान्स, कॅनडा, झेक प्रजासत्ताक, इटली, स्वित्झर्लंड, ऑस्ट्रिया, इस्रायल, बेलारूस, इराण, स्वीडन, दक्षिण कोरिया, कतार, ओमान, बहरीन आणि न्यूझीलंड यांचा समावेश आहे.