सोलिंगेन (जर्मनी) – जर्मनीतल्या सोलिंगेन शहरात काल झालेल्या चाकू हल्ल्याची जबाबदारी २६ वर्षीय युवकाने स्वीकारली आहे, असे जर्मनीतल्या पोलिसांनी म्हटले आहे. सोलिंगेन येथील चाकू हल्ल्यात तिघे ठार तर ८ जण जखमी झाले होते. पोलिसांसमोर हजर झालेल्या व्यक्तीचा हा हल्ल्यातील सहभाग तपासून बघितला जात आहे, असे पोलिसांनी सांगितले.

या हल्ल्यातील संशयिताला पोलिसांनी अटक केली असल्याचे वृत्त नॉर्थ राइन-वेस्टफेलियाचे अंतर्गत मंत्री हर्बर्ट रेउल यांच्या हवाल्याने प्रसिद्ध करण्यात आले आहे. पोलीस काल दिवसभर ज्या हल्लेखोराला शोधत होते, त्याला पकडले गेले आहे, असे रेउल यांनी म्हटले आहे.

मात्र या प्रकरणी ज्यो दोघांना यापूर्वीच अटक केले गेले आहे. त्यांच्यातीलच कोणी संशयित होता का हे स्पष्ट केले गेले नाही. मात्र अटक केलेल्या व्यक्तीविरोधात काही पुरावे मिळाले आहेत. त्याचे कपडे खराब झाले होते आणि कपड्यांवर रक्ताच डाग होते, असेही त्यांनी सांगितले.

US-India Relations : अमेरिकेच्या नौदल पृष्ठीय युद्ध केंद्राला संरक्षणमंत्री राजनाथ सिंह यांनी दिली भेट…

काल झालेल्या या हल्ल्यानंतर इस्लामिक स्टेट या दहशतवादी संघटनेने या हल्ल्याची जबाबदारी स्वीकारली आहे. हल्ला करणारा इस्लामिक स्टेटचा सैनिक होता. पॅलेस्टिन आणि इतर सर्व ठिकाणच्या मुस्लिमांचा सूड घेण्यात आला असल्याचे इस्लामिक स्टेटने सोशल मीडियावरच्या पोस्टमध्ये म्हटले आहे. मात्र या दाव्याच्या समर्थनासाठी इस्लामिक स्टेटने कोणताही पुरावा दिलेला नाही. इस्लामिक स्टेटने केलेल्या दाव्यातील सत्यता देखील तपासून बघितली जाते आहे.