इंदापूर : इंदापूर नगरपालिकेने घरपट्टी १०० टक्के व्याज माफीचा प्रस्ताव शासनाकडे पाठवावा व शासनाने मालमत्ता धारकांच्या वसुली रजिस्टर मधून थकबाकीचे व्याज माफ करून कमी करावे अशी इंदापूर शहर नागरी संघर्ष समितीने व शहरातील नागरिकांनी केली आहे. जर शासनाकडे नगरपालिकेने अशी मागणी केली नाही तर इंदापूर करांच्या भविष्यकालीन होणाऱ्या नुकसानीस या दप्तर दिरंगाईमुळे नगरपालिका जबाबदार असेल. असाही इशारा नागरी संघर्ष समितीने इंदापुरात दिला.

इंदापूर शहर नागरी संघर्ष समितीच्या वतीने जून महिन्यातील जन्मलेल्या शहरातील असंख्य नागरिकांचे एकत्र गोड जेवण देऊन अभिष्टचिंतन केले. यावेळी शासनाने घरपट्टी वरील व्याज माफीचा निर्णय घेतल्याने, संघर्ष समितीच्या वतीने शेकडो महिलांच्या उपस्थितीत सिद्धेश्वर मंदिरात लघुरुद्र अभिषेक कार्यक्रम पार पडला. यावेळी शहरातील डॉ. भाग्यश्री महादेव चव्हाण एम एस झाल्याबद्दल केला नागरी सन्मान सोमवार दि. २ जून रोजी सकाळी ११ वाजता स्वामी समर्थ मंडळाच्या वतीने शेकडो महिलांनी एकत्र येऊन लघुरुद्र अभिषेक कार्यक्रम केला.

हा कार्यक्रम राज्य शासनाने नगरपालिका, नगरपंचायत क्षेत्रात राहणाऱ्या नागरिकांच्या थकीत भरपट्टीवरील व्याज माफ केले. त्या प्रित्यर्थ करण्यात आला. यावेळी शहरांमतील हजारो नागरिक उपस्थित होते. यावेळी बोलताना संघर्ष समितीच्या वतीने प्राध्यापक कृष्णा ताटे म्हणाले की, इंदापूर शहर नागरी संघर्ष समितीने ८ वर्ष संघर्षाच्या आंदोलनामुळे महाराष्ट्र शासनाला घरपट्टीवरील थकबाकीचे २४% व्याज माफ करावे लागले. त्या आनंदपित्यर्थ सिद्धेश्वर मंदिरात एकत्र जमून लघुरुद्र महाभिषेक करून आनंद व्यक्त केला असल्याचे सांगितले.

यावेळी माजी नगराध्यक्ष अलका ताटे ,माजी नगराध्यक्ष विठ्ठल ननवरे, माजी उपनगराध्यक्ष कृष्णा ताटे, हमीद आत्तार, महादेव चव्हाण, गोरख शिंदे ,गिरीश गुरव, संतोष जामदार, प्रदीप पवार ,उन्हाळे, हाजी सलीम बागवान, गुड्डू मोमीन, अफसर मोमीन, तय्यब शेख, तांबोळी, सय्यद, बाबासाहेब घाडगे, भानूदास पवार ,महाजन, संदिपान कडवळे , शिवाजीराव मखरे, बाळासाहेब मखरे, विक्रम मोरे, जयवंत नायकुडे, सागर गानबोटे, अशोक ननवरे, अजुर्न शिंदे, रघुनाथ खरवडे, गजानन निलाखे, प्रसन्न दुनाखे, सफल घासकाटू यासह नागरिक उपस्थित होते.