IND vs WI 1st ODI West Indies Openers Justin Greaves John Campbell 100 Run Partnership Record : ग्रीनफिल्ड इंटरनॅशनल स्टेडियमवर भारत आणि वेस्ट इंडिज यांच्यात सुरू असलेल्या पहिल्या एकदिवसीय सामन्यात कॅरेबियन सलामीवीरांनी नवा इतिहास रचला आहे. भारतीय कर्णधार शुबमन गिलने नाणेफेक जिंकून प्रथम गोलंदाजी करण्याचा घेतलेला निर्णय पूर्णपणे फसला. विंडीजचे सलामीवीर जस्टिन ग्रीव्हज आणि जॉन कॅम्पबेल यांनी भारतीय गोलंदाजांवर सुरुवातीपासूनच तुटून पडत अवघ्या १३.३ षटकांत १०० धावांची भागीदारी फलकावर लावून दमदार सुरुवात करुन दिली.

भारताच्या भूमीवर २४ वर्षांनंतर शतकी सलामी; जुने विक्रम मोडले!

भारताच्या भूमीवर तब्बल २४ वर्षांच्या प्रदीर्घ प्रतीक्षेनंतर वेस्ट इंडिजच्या कोणत्याही सलामीच्या जोडीने भारताविरुद्ध एकदिवसीय सामन्यात शतकी भागीदारी रचण्याचा महापराक्रम केला आहे. २०२५ पासून खेळलेल्या २० हून अधिक एकदिवसीय सामन्यांत विंडीजच्या एकाही सलामी जोडीला पहिल्या विकेटसाठी ६५ धावांचा टप्पाही पार करता आला नव्हता. मात्र, अवघ्या दुसऱ्यांदाच एकत्र डावाची सुरुवात करणाऱ्या ग्रीव्हज आणि कॅम्पबेल जोडीने अवघ्या ८१ चेंडूंत १०० धावा ठोकल्या.

पहिल्या १० षटकांत ८५ धावा; पॉवरप्लेमध्ये नोंदवली तिसरी सर्वोच्च धावसंख्या!

Highest opening partnership for WI versus India in India:

164 Runs – Greenidge and Simmons
149 Runs – Haynes and Greenidge
135 Runs – Campbell and Justin Greaves* pic.twitter.com/GTIXgLIXOM

— Maina Singh (@Maina_Singhx77) September 27, 2026

ग्रीव्हज आणि कॅम्पबेल यांनी आक्रमक फटकेबाजी करत भारतीय वेगवान गोलंदाजांची लाईन आणि लेन्थ पूर्णपणे बिघडवली. पहिल्या पॉवरप्लेच्या १० षटकांत विंडीजने बिनबाद तब्बल ८५ धावांची आतषबाजी केली. एकदिवसीय क्रिकेटच्या इतिहासात भारताविरुद्ध पहिल्या १० षटकांत विंडीजने उभारलेली ही तिसरी सर्वोच्च धावसंख्या ठरली आहे. या जोडीने पहिल्या विकेट्साठी १९.२ षटकांत १३५ धावांची भागीदारी साकारली. यानंतर कॅम्पबेल ६२ धावांवर तंबूत परतला.

हेही वाचा – Anahat Singh Silver : १८ वर्षांच्या अनाहत सिंहने नागोयात रचला इतिहास! महिला एकेरी स्क्वॉशमध्ये जिंकले पहिलेवहिले रौप्यपदक

भारताविरुद्ध विंडीजची वनडे पॉवरप्लेमधील सर्वोच्च धावसंख्या:

• ११४/० – पोर्ट ऑफ स्पेन (२०१९)
• ८६/० – वडोदरा (२००२)
• ८५/० – तिरुवनंतपुरम (२०२६)*
• ८२/१ – ढाका (१९९८)
• ८१/१ – अहमदाबाद (२००२)