IND vs SA 2nd T20 : द.आफ्रिकेने भारताविरूध्द Toss जिंकला, कर्णधार मार्करमनं घेतला ‘हा’ निर्णय…
IND vs SA 2nd T20 (Toss Update) :- भारत आणि दक्षिण आफ्रिका यांच्यात चार सामन्यांच्या मालिकेतील दुसरा सामना होत आहे. पहिल्या टी-20 लढतीत भारताने दक्षिण आफ्रिका संघाला 61 धावांनी पराभूत करताना, भारत व दक्षिण आफ्रिका संघाच्या दरम्यान सुरु असलेल्या चार सामान्यांच्या टी-20 मालिकेत 1-0 अशी आघाडी घेतली आहे.
दक्षिण आफ्रिका संघ पहिल्या लढतीत पराभूत झाल्याने जोरदार पुनरागमन करण्यासाठी सज्ज असणार आहे तर पहिल्या लढतीसारखेच फलंदाजीच्या जोरावर लढत एकतर्फी करण्यासाठी भारतीय संघ तयार असेल. भारत आणि दक्षिण आफ्रिका यांच्यातील दुसरा सामना रविवारी सेंट जॉर्ज पार्क स्टेडियमवर होणार आहे. हा सामना भारतीय वेळेनुसार संध्याकाळी 7.30 वाजता सुरू होईल. तर पहिला सामना रात्री 8.30 पासून खेळवण्यात आला. पहिला सामना डर्बन येथे झाला. या कारणास्तव त्याची वेळ वेगळी होती.
🚨 Toss Update 🚨
South Africa win the toss and elect to field in the 2nd T20I.
Live – https://t.co/ojROEpNVp6#TeamIndia | #SAvIND pic.twitter.com/7jD9qakDLg
— BCCI (@BCCI) November 10, 2024
दरम्यान, त्यापूर्वी झालेला नाणेफेकीचा कौल (Toss Update) हा दक्षिण आफ्रिकेच्या बाजूनं लागला आहे. दक्षिण आफ्रिकेचा कर्णधार एडेन मार्करम याने भारताविरुद्ध नाणेफेक जिंकून गोलंदाजी करण्याचा निर्णय घेतला आहे. (South Africa win the toss and elect to field) त्यामुळे भारतीय संघास प्रथम फलंदाजीसाठी मैदानात उतरावं लागेल.
IND vs SA 2nd T20 : सामना विनामूल्य कोठे पाहू शकाल….
टीम इंडिया या मालिकेत चार सामने खेळणार आहे. स्पोर्ट्स 18 (Sports 18) आणि कलर्स सिनेप्लेक्स (Colors Cineplex) या टीव्ही वाहिनीवर ही मालिका पाहता येईल. जर प्रेक्षकांना दुसरा टी-20 सामना मोबाईलवर पाहायचा असेल तर तेही शक्य आहे. यासाठी तुम्हाला जियो सिनेमा (Jio Cinema) ॲप डाउनलोड करावे लागेल. येथे तुम्ही सामना विनामूल्य पाहू शकता.
दरम्यान, भारत आणि दक्षिण आफ्रिका यांच्यातील दुसऱ्या सामन्याच्या दिवशी हवामान थंड राहू शकते. हवामान खात्याच्या अंदाजानुसार तापमान 16 अंश सेल्सिअसच्या आसपास राहू शकते. पावसाची शक्यता फारच कमी आहे. त्यामुळे सामन्यादरम्यान कोणतीही समस्या निर्माण होण्याची शक्यता नगण्य आहे.
