IND vs NZ Test Series (R Ashwin) : बांगलादेशला टी-20 आणि कसोटी मालिकेत पराभूत केल्यानंतर टीम इंडियाला आता कसोटी मालिकेत न्यूझीलंडचा सामना करावा लागणार आहे. या मालिकेतील पहिला सामना बुधवारपासून (16-20 ऑक्टोबर) बेंगळुरूच्या एम चिन्नास्वामी स्टेडियमवर सुरू होणार आहे. या मालिकेतील पुढील दोन कसोटी सामने पुणे (24-28 ऑक्टोबर) आणि मुंबई (1-5 नोव्हेंबर) येथे होणार आहेत. या मालिकेत सर्वांच्या नजरा आर अश्विनवर असणार आहेत, कारण या मालिकेत तो 5 मोठे विक्रम मोडू शकतो. 1. आर. अश्विनने वर्ल्ड टेस्ट चॅम्पियनशिपमध्ये 37 मॅचमध्ये 185 विकेट घेतल्या आहेत. न्यूझीलंडविरुद्धच्या मालिकेत त्याने आणखी तीन विकेट्स घेतल्यास तो नॅथन लायनचा विक्रम मोडेल आणि WTC इतिहासात सर्वाधिक विकेट घेणारा गोलंदाज बनेल. ऑस्ट्रेलियाच्या दिग्गज फिरकीपटूने 43 WTC सामन्यात आतापर्यंत 187 विकेट घेतल्या आहेत. 2. न्यूझीलंडविरुद्धच्या तीन सामन्यांच्या मालिकेत त्याने आणखी 15 विकेट्स घेतल्यास तो इतिहास रचेल. वर्ल्ड टेस्ट चॅम्पियनशिपमध्ये 200 विकेट घेणारा तो जगातील पहिला गोलंदाज ठरणार आहे. 3. अश्विनने आपल्या कसोटी कारकिर्दीत 527 विकेट्स घेतल्या आहेत. अशा स्थितीत त्याने आणखी 4 विकेट घेतल्यास तो नॅथन लायनला मागे टाकेल आणि कसोटी क्रिकेटमध्ये सर्वाधिक विकेट घेणारा सातवा गोलंदाज ठरेल. लिऑनने आपल्या कसोटी कारकिर्दीत 530 विकेट्स घेतल्या आहेत. 4. अश्विनने भारतात खेळल्या गेलेल्या 128 आंतरराष्ट्रीय सामन्यांमध्ये एकूण 466 विकेट घेतल्या आहेत. न्यूझीलंड मालिकेत त्याने 11 विकेट घेतल्यास तो भारतीय भूमीवर सर्वाधिक बळी घेणारा गोलंदाज बनेल. तो अनिल कुंबळेचा 476 आंतरराष्ट्रीय विकेट्सचा विक्रम मोडेल. IND vs NZ : न्यूझीलंडविरुद्धच्या कसोटी मालिकेसाठी टीम इंडियाची घोषणा, पाहा कोणा-कोणाला मिळाली संधी… 5. जर अश्विनने या मालिकेत प्लेअर ऑफ द सीरीजचा पुरस्कार जिंकला तर तो सर्वाधिक वेळा हा पुरस्कार जिंकणारा खेळाडू बनेल. सध्या मुथय्या मुरलीधरन आणि अश्विन हे मालिकावीर पुरस्कार जिंकण्याच्या यादीत संयुक्तपणे अव्वल स्थानावर आहेत. अशा परिस्थितीत जर त्याने आणखी एकदा हा पुरस्कार जिंकला तर तो मुथय्या मुरलीधरनच्या पुढे जाईल. कसोटीमध्ये सर्वाधिक मालिका पुरस्कार जिंकणारे खेळाडू… मुथय्या मुरलीधरन (श्रीलंका) – 11 रविचंद्रन अश्विन (भारत) – 11 जॅक कॅलिस (दक्षिण आफ्रिका) – 09
