IND vs ENG – टी-२० विश्वचषकात दमदार लयीत असलेल्या विराट कोहलीला ऍडिलेडमध्ये फलंदाजीचा सराव करताना दुखापत झाली असल्याचे समोर आले आहे. संघाचा वेगवान गोलंदाज हर्षल पटेलचा चेंडू खेळताना त्याला दुखापत झाली. दरम्यान, विराटला झालेली दुखापत किरकोळ असून संघासाठी कोणतीही अडचण निर्माण होणार नाही. सरावावेळी चेंडू लागल्यानंतर कोहलीने थोडा वेळ ब्रेक घेतला आणि नंतर तो पुन्हा सरावासाठी नेट्समध्ये परतला.
#PAKvsNZ | न्यूझीलंडच्या १५२ धावा, प्रत्युत्तरात पाकिस्तान मजबूत स्थितीत
याआधी मंगळवारी कर्णधार रोहित शर्मालाही सरावादरम्यान दुखापत झाली होती. रोहितच्या उजव्या हाताला चेंडूचा फटका बसला होता. मात्र, रोहितने सामन्याच्या एक दिवस आधी बुधवारी तो पूर्णपणे तंदुरुस्त असल्याचे सांगितले आहे. माझ्या हाताला चेंडूचा मार लागला होता, मात्र मी आता व्यवस्थित आहे, असे रोहितने पत्रकार परिषदेत म्हटले आहे.
न्यूझीलंडविरुद्धच्या सेमीफायनल सामन्याअगोदर सरावादरम्यान हर्षल पटेलने टाकलेल्या चेंडूचा विराटच्या मांडीला मर लागला. चेंडू लागल्यानंतर कोहली काही वेळ जाग्यावर तिथेच बसला. त्यानंतर त्याने काही वेळासाठी विश्रांती घेतली आणि बरे जाणवायला लागल्यानंतर तो पुन्हा सरावासाठी नेट्समध्ये आला. कारण त्याला आता स्पर्धेच्या महत्वाच्या टप्प्यात संघासोबत खेळायचे आहे. विराटने यंदाच्या टी-२० विश्वचषक स्पर्धेत सर्वाधिक २४६ धावा फाटकावल्या आहेत.
आज बुधुवारी पाकिस्तान आणि न्यूझीलंड यांच्यात सिडनीच्या मैदानावर पहिला सेमीफायनल सामना खेळला जात आहे. यामध्ये पाकिस्तनाच्या संघाचे फायनलमध्ये जाण्याचे संकेत दिसत आहेत. मात्र उद्या गुरुवारी भारतीय चाहत्यांसाठी मोठा सामना होणार आहे. भारत आणि इंग्लंडमध्ये दुसरा सेमीफायनल सामना ऍडिलेडच्या मैदानावर खेळला जाणार आहे. हा सामना भारतीय वेळेनुसार दुपारी १.३० वाजता सुरु होईल.