IND vs AUS | ॲडलेडमध्ये ‘यशस्वी-राहुल’ करणार ओपनिंग? जाणून घ्या, दुसऱ्या कसोटीसाठी कशी असेल टीम इंडियाची प्लेइंग 11…
India Playing 11 Vs Australia (Adelaide Test) : भारत आणि ऑस्ट्रेलिया यांच्यातील पाच सामन्यांच्या कसोटी मालिकेतील दुसरा सामना 6 डिसेंबरपासून ॲडलेड येथे खेळवला जाणार आहे. हा सामना डे-नाईट असल्याने गुलाबी चेंडूने खेळवला जाणार आहे. या सामन्यासाठी दोन्ही संघ ॲडलेडला पोहोचले असून त्यांनी सरावही सुरू केला आहे. या कसोटीसह नियमित कर्णधार रोहित शर्माही संघात पुनरागमन करत आहे. मात्र, रोहित शर्मा डावाची सुरुवात करणार नसल्याचे म्हटले जात आहे.
Banter check ✅
Hat check ✅
Travel day ✅#TeamIndia have arrived in Adelaide 👌 👌#AUSvIND pic.twitter.com/hRDUfOTcpf
— BCCI (@BCCI) December 3, 2024
ॲडलेडमधील टीम इंडियाचा सराव आणि पीएम इलेव्हन विरुद्धचा सामना पाहिल्यास, यशस्वी जैस्वाल आणि केएल राहुल दुसऱ्या कसोटीतही सलामी देतील हे जवळपास स्पष्ट झाले आहे. पर्थमध्ये खेळल्या गेलेल्या पहिल्या कसोटीत या दोन फलंदाजांनी भारताच्या विजयाचा पाया रचला होता. अशा स्थितीत कर्णधार रोहित मधल्या फळीत खेळताना दिसू शकतो.
शुभमन गिल आता फिट आहे. पीएम इलेव्हन विरुद्धच्या सामन्यात तो तिसऱ्या क्रमांकावर फलंदाजीला आला होता. अशा स्थितीत तो ॲडलेडमध्ये खेळणार हे निश्चित आहे. पर्थचा ‘शतकवीर’ विराट कोहली चौथ्या क्रमांकावर खेळणार हे निश्चित आहे. यानंतर कर्णधार रोहित शर्मा दिसू शकतो. म्हणजेच हिटमॅन ॲडलेडमध्ये पाचव्या क्रमांकावर खेळताना दिसू शकतो.
यानंतर यष्टीरक्षक ऋषभ पंत खेळणार हे निश्चित आहे. पंतला पर्थमध्ये चांगली कामगिरी करता आला नाही. पण त्याला ॲडलेडमध्ये आपली प्रतिभा दाखवायला नक्कीच आवडेल. त्यानंतर वॉशिंग्टन सुंदर खेळण्याची शक्यता आहे. यानंतर नितीशकुमार रेड्डीही आठव्या क्रमांकावर खेळणार हे निश्चित आहे. यानंतर तीन वेगवान गोलंदाज. यामध्ये जसप्रीत बुमराह, मोहम्मद सिराज आणि हर्षित राणा हे त्रिकुट ॲक्शनमध्ये दिसेल.
दुसऱ्या कसोटीसाठी टीम इंडियाचे संभाव्य प्लेइंग इलेव्हन – के.एल. राहुल, यशस्वी जैस्वाल, शुभमन गिल, विराट कोहली, रोहित शर्मा (कर्णधार), ऋषभ पंत (यष्टीरक्षक), वॉशिंग्टन सुंदर, नितीश कुमार रेड्डी, जसप्रीत बुमराह, मोहम्मद सिराज आणि हर्षित राणा .
