IND vs SA : द. आफ्रिकेविरुद्धच्या वनडे मालिकेसाठी भारतीय संघ जाहीर! ‘या’ खेळाडूची कर्णधारपदी वर्णी, विराट-रोहितला संघी नाही
IND A vs SA A ODI Series Updates : भारत अ संघ आणि दक्षिण आफ्रिका अ संघ यांच्यातील तीन वन डे सामन्यांची मालिका १३, १६ आणि १९ नोव्हेंबरला राजकोटमध्ये रंगणार आहे. या मालिकेसाठी बीसीसीआयने भारत अ संघाची घोषणा केली असून, सीनियर खेळाडू रोहित शर्मा आणि विराट कोहली यांना संघात स्थान मिळालेले नाही. या दोघांना भारत अ संघाकडून खेळवण्यात निवड समिती उत्सुक नसल्याचे वृत्त आहे.
या मालिकेत भारत अ संघाची धुरा युवा फलंदाज तिलक वर्माकडे सोपवण्यात आले आहे, तर ऋतुराज गायकवाड उपकर्णधार म्हणून जबाबदारी सांभाळणार आहे. रोहित आणि विराट हे नुकतेच ऑस्ट्रेलिया दौऱ्यावर खेळले होते. तिसऱ्या वन डेत रोहितने शतक तर विराटने अर्धशतक झळकावले होते.
🚨 INDIA A ODI SQUAD vs SOUTH AFRICA A 🚨
Tilak (C), Ruturaj (VC), Abhishek, Riyan, Ishan (WK), Badoni, Nishant Sindhu, Vipraj, Suthar, Harshit, Arshdeep, Prasidh, Khaleel, Prabhsimran (WK)
🔥 Young guns + experience — perfect mix for India’s next-gen ODI core! 🇮🇳#INDAVsSAA pic.twitter.com/DSlPPqZpM1
— Abhisek Gupta (@ABHISTRONG) November 5, 2025
याशिवाय, यष्टिरक्षक-फलंदाज इशान किशनची संघात पुनरागमन झाले आहे. मागील दीड वर्षापासून तो भारतीय संघाबाहेर होता आणि बीसीसीआयने त्याला वार्षिक करारातून वगळले होते. मात्र, देशांतर्गत क्रिकेटमध्ये उल्लेखनीय कामगिरी करून त्याने पुनरागमन केले आहे. डावखुरा फिरकीपटू मानव सुथारलाही देशांतर्गत स्पर्धेतील चमकदार कामगिरीची पोचपावती मिळाली आहे.
हेही वाचा – Hardik Pandya : गालावर किस अन् पाण्यात मस्ती, हार्दिक-माहिकाचा रोमँटिक अंदाज चर्चेत, पाहा VIDEO
भारत अ संघ : तिलक वर्मा (कर्णधार), ऋतुराज गायकवाड (उपकर्णधार), अभिषेक शर्मा, रियान पराग, इशान किशन, आयुष बदोनी, निशांत सिंधू, विपराज निगम, मानव सुथार, हर्षित राणा, अर्शदीप सिंग, प्रसिद्ध कृष्णा, खलील अहमद, प्रभसिमरन सिंग.
