कोथरूड – येथील प्रतिष्ठित संयुक्त भेलकेनगर मित्र मंडळ ट्रस्टच्या ५१ व्या (सुवर्ण महोत्सवी) वर्षा निमित्त आयोजित करण्यात आलेल्या खंडोबा महात्म्य या जिवंत देखाव्याचे उद्घाटन सोहळा उत्सहात पार पडला.

केंद्रीय मंत्री व खासदार मुरलीधर मोहोळ यांच्या पत्नी माजी नगरसेविका मोनिका मोहोळ यांच्या हस्ते आणि प्रसिद्ध बांधकाम व्यावसायिक प्रवीण बढेकर यांच्या उपस्थित हे उद्घाटन झाले. यावेळी जेजुरी देवस्थानचे विश्वस्त पांडुरंग थोरवे, मंडळाचे अध्यक्ष धनेश हगवणे, उत्सवप्रमुख उमेश भेलके यासह मंडळाचे पदाधिकारी व कलाकार उपस्थित होते.

गतवर्षी मंडळाने शिव-पार्वती विवाह सोहळा हा जिवंत देखावा साकारला होता, ज्याला संपूर्ण पुणे शहरातून उदंड प्रतिसाद मिळाला होता. याच परंपरेमुळे भेलकेनगर मंडळाचे देखावे पुण्यातील प्रमुख आणि आकर्षणाचे केंद्र मानले जातात. यंदाचा खंडोबा महात्म्य देखावा पाहण्यासाठी पहिल्याच दिवशी गणेशभक्तांनी मोठी गर्दी केली होती.

केवळ उत्सवापुरते मर्यादित न राहता हे मंडळ वर्षभर सामाजिक बांधिलकी जपत असते. समाजोपयोगी आरोग्य शिबिरे, देशासाठी बलिदान देणाऱ्या शहीदांना श्रद्धांजली वाहणे अशा विविध सामाजिक उपक्रमांचे कौतुक मोनिका मोहोळ यांनी केले.

हेही वाचा : 

Rice At Night: रात्री भात खाता? मग ही बातमी नक्की वाचा; वजन वाढण्यामागचं खरं कारण काय?