Wedding at Rashtrapati Bhavan: थाटामाटात लग्न करावे, अशी अनेकांची इच्छा असते. शाहीविवाहाच्या कार्यालयासाठी लाखो रुपये खर्च केले जातात. मात्र, थेट राष्ट्रपती भवनात लग्न करण्याची संधी मिळाली तर? देशाच्या इतिहासात पहिल्यांदाच राष्ट्रपती भवनात सनई-चौघड्यांचे सूर घुमणार आहेत. राष्ट्रपती भवनात एका महिला अधिकाऱ्याचे लग्न होणार आहे.

मध्य प्रदेशच्या शिवपुरी येथे राहणाऱ्या पूनम गुप्त यांचे लग्न राष्ट्रपती भवनात होणार आहे. त्या केंद्रीय राखीव पोलिस दलात (CRPF) महिला असिस्टंट कमांडंट असून, सध्या राष्ट्रपती भवनात पीएसओ पदावर कार्यरत आहेत. पूनम यांचे लग्न जम्मू-कश्मीरमध्ये नियुक्त असलेल्या सीआरपीएफ असिस्टंट कमांडंट अवनीश कुमार यांच्यासोबत होणार आहे.

पूनम आणि अवनीश यांचा विवाह 12 फेब्रुवारीला होणार आहे. लग्नाच्या तयारीला देखील सुरुवात झाली आहे. पूनमचेआई-वडील देखील दिल्लीला पोहोचले आहेत. विशेष म्हणजे पुनमच्या लग्नात स्वतः राष्ट्रपती द्रौपदी मुर्मू देखील उपस्थित राहून या जोडप्याला आशीर्वाद देणार आहेत.

पहिल्यांदाच अशाप्रकारे राष्ट्रपती भवनात एखाद्या अधिकाऱ्याच्या लग्नाचे आयोजन करण्यात आले आहे. पीएसओ पदावर नियुक्त असलेल्या पूनम यांच्या वागणुकीने राष्ट्रपती प्रभावित झाल्या. पूनमच्या लग्नाबाबत समजल्यानंतर त्यांनी  राष्ट्रपति भवनातील मदर टेरेसा क्राउन परिसरात विवाह सोहळ्याचे आयोजन करण्यास सांगितले. या लग्नाला काही ठराविक पाहुणे उपस्थित राहणार आहेत.

कोण आहेत पूनम गुप्ता?

पूनम गुप्ता या केंद्रीय राखीव पोलिस दलात महिला असिस्टंट कमांडंट असून, सध्या त्यांची राष्ट्रपती भवनात पीएसओ पदावर कार्यरत आहेत. त्यांनी यूपीएससी सीएपीएफ परीक्षा 2018 मध्ये 81 वा क्रमांक मिळवला व सीआरपीएफमध्ये असिस्टेंड कमांडेट झाल्या. त्या  गणित विषयात पदवीधर आणि इंग्रजी साहित्यात पदव्युत्तर पदवीधर आहेत. त्यांनी प्रजासत्ताक दिनाच्या परेडमध्ये सीआरपीएफ महिला तुकडीचे नेतृत्व देखील केले होते.