Imtiaz Jaleel : इम्तियाज जलील यांना मोठा दिलासा ! ‘त्या’ प्रकरणात जामीन मंजूर
टीसीएसच्या नाशिक युनिटमधील लैंगिक छळ आणि धर्मांतर प्रकरणात एका प्रमुख आरोपीला मदत केल्याचा आरोप असलेले एआयएमआयएमचे नेते इम्तियाज जलील (Imtiaz Jaleel) गुरुवारी स्थानिक न्यायालयासमोर हजर झाले.

Imtiaz Jaleel : टीसीएसच्या नाशिक युनिटमधील लैंगिक छळ आणि धर्मांतर प्रकरणात एका प्रमुख आरोपीला मदत केल्याचा आरोप असलेले एआयएमआयएमचे नेते इम्तियाज जलील (Imtiaz Jaleel) गुरुवारी स्थानिक न्यायालयासमोर हजर झाले. यावेळी त्यांना नियमित जामीन मंजूर केला. न्यायालयाने त्यांना ५० हजार रुपयांच्या जातमुचलक्यावर जामीन मंजूर केला.
६ नोव्हेंबर रोजी, नाशिक पोलिसांच्या विशेष तपास पथकाने (एसआयटी) अतिरिक्त सत्र न्यायाधीश अमित खरकर यांच्या न्यायालयात जलील यांच्या विरोधात पुरवणी आरोपपत्र दाखल केले होते. जलील (Imtiaz Jaleel) यांच्यावर टीसीएस प्रकरणातील प्रमुख आरोपी निदा खान फरार असताना तिला मदत केल्याचा आरोप आहे. एसआयटीला जलील आणि त्यांचे पक्षाचे सहकारी व नगरसेवक मतीन पटेल यांच्यात संबंध आढळले होते.
मतीन पटेल यांना यापूर्वी टीसीएस नाशिक युनिटची माजी कर्मचारी निदा खान फरार असताना तिला छत्रपती संभाजीनगर येथे आश्रय दिल्याबद्दल अटक करण्यात आली होती. एसआयटीला जलील (Imtiaz Jaleel) आणि पटेल यांच्यातील दूरध्वनीवरील संभाषणेही आढळली होती. त्यानुसार, सुमारे महिनाभरापूर्वी जलील यांना भारतीय नागरिक सुरक्षा संहितेअंतर्गत (बीएनएसएस) नोटीस बजावण्यात आली आणि त्यानंतर ते चौकशीसाठी पोलिसांसमोर हजर झाले.






