US Import Duty : अमेरिकेकडून आज कॅनडाच्या २० अब्ज डॉलरक किंमतींच्या उत्पादनांवर ५० टक्के आयात शुल्क (US Import Duty) लागू केले. हे आयात शुल्क तात्काळ लागू होत असल्याचे अमेरिकेने शनिवारी पहाटे म्हटले आहे. या आयात शुल्काला कॅनडानेही प्रत्युत्तर दिले जाण्याचे संकेत दिले आहेत.

अमेरिका आणि कॅनडामधील तणाव संपण्याच्या दृष्टीने सुरू करण्यात आलेल्या वाटाघाटी अखेरच्या क्षणी फिसकटल्यानंतर हे आयात शुल्क (US Import Duty) लावण्यात आले. अमेरिकेकडून नव्याने लावण्यात आलेल्या शुल्कापैकी ५ टक्के आयात शुल्क दरवर्षी कॅनडातून अमेरिकेत येणाऱ्या हॉकी स्टीकपासून जीभ स्वच्छ करण्याच्या उत्पादनांवर लागू होणार आहे.

कॅनडाचे कामगार आणि उद्योगांचे हिज जपण्यासाठी कॅनडाकडून डॉलरला डॉलर या प्रमाणात आयात शुल्क लावले जाईल, असे कॅनडाचे पंतप्रधान मार्क कार्नी यांनी म्हटले आहे. स्टील, ऍल्युमिनियम, वाहने आणि लाकडासारख्या वस्तूंवर आयात शुल्कातून सवलत मिळावी, अशी मागणी कॅनडाकडून करण्यात आली आहे.

ऐनवेळच्या नवीन अटी…
या आठवड्याच्या सुरुवातीला निश्‍चित केल्याप्रमाणे व्यापारी कराराची निश्‍चिती कॅनडाकडून (US Import Duty) करण्यात आली नाही. कोणत्याही निर्यातदाराला दिल्या जाणाऱ्या सर्वोत्तम प्रस्ताव अमेरिकेने कॅनडासमोर ठेवला होता. मात्र कॅनडाने नवीन अटी घातल्यामुळे गेल्या काही दिवसात साधलेला समतोल बिघडला, असे अमेरिकेतील व्यापारी प्रतिनिधी जेमिसन ग्रीर यांनी मध्यरात्रीनंतर दिलेल्या एका निवेदनात सांगितले.

तर अमेरिकेने ऐनवेळी घातलेल्या नवीन अटी अप्रामाणिक. अर्थकारण शून्य होत्या, असे कॅनडाचे पंतप्रधान मार्क कार्नी यांनी म्हटले आहे. कोणत्याही कराराच्या विश्‍वसनीयतेवर प्रश्‍नचिन्ह उपस्थित राहिल्यामुळे आपण आपल्या प्रतिनिधींना माघारी बोलावल्याचे ते म्हणाले.