नवी दिल्ली – केवळ अमेठीतूनच ( Amethi) नाही, तर संपूर्ण देशातून मला मी सक्रिय राजकारणात यावे, अशी विनंती केली जात आहे. आम्ही तुमची मेहनत पाहिली आहे. तुम्ही गांधी घराण्याचे सदस्य आहात, ही तुमची जमेची बाजू आहे, असे लोक म्हणत आहेत. गांधी घराण्याने या देशासाठी किती केले, काय केले आणि करत राहतील हे त्यांनी पाहिले आहे. त्यामुळे या निवडणुकीवेळी मला अमेठीमधून निवडणूक लढवायची आहे. जर पक्षाने मलाअशी संधी दिली तर मी मोठ्या फरकाने निवडून येऊ शकतो, असे प्रतिपादन रॉबर्ट वाड्रा ( Robert Vadra) यांनी केले आहे. देशात लोकसभा निवडणुका अगदी जवळ आल्या आहेत. अशा परिस्थितीत सर्वच पक्ष आपापल्या लोकसभा उमेदवारांच्या नावाची घोषणा करण्यात व्यस्त आहेत. या निवडणुकीत उत्तर प्रदेशातील अमेठीची जागा पुन्हा एकदा चर्चेत आली आहे. काँग्रेस नेत्या प्रियंका गांधी ( Priyanka Gandhi ) यांचे पती रॉबर्ट वाड्रा यांनी पुन्हा एकदा अमेठीतून निवडणूक लढवण्याची इच्छा व्यक्त केली आहे. या निवडणुकीत मी अमेठीतून निवडणूक लढवली तर स्मृतीजींना खासदार बनवताना त्यांनी केलेल्या चुकांमधून ते पुढे सरसावतील आणि त्यांना प्रचंड बहुमताने विजयी करतील, असे त्यांना वाटत होते. परंतु स्मृतीजींनी संसदेत माझ्या नावाचा गैरवापर करून निराधार आरोप केले असले तरी मी कोणाला आव्हान देण्यासाठी लढणार नाही. ती एक महिला आहे आणि मी तिचा आदर करतो, पण जर कोणी असे आरोप केले तर ते सिद्ध करणे खूप गरजेचे आहे, त्यामुळे मी राजकारणात उतरलो तर मी त्यांना त्यांच्या पातळीवर उत्तर देऊ शकेन, असे अमेठीतील जनतेला वाटले. माझे परिश्रम सुरूच असून भविष्यात मी परिवर्तन घडवून आणू शकेन असे जनतेला वाटत असेल आणि काँग्रेसला वाटले की मी यावे, मला माझ्या परिवाराचा आशीर्वाद असेल तर मी नक्कीच सक्रिय राजकारणात येईन. जर काँग्रेस पक्षाला वाटत असेल की मी सक्षम आहे किंवा लोकांना हवा असलेला बदल घडवून आणू शकतो आणि पाहू शकतो, तर काॅंग्रेसने मला उमेदवारी द्यावी, अशी माझी विनंती राहील, असे सांगून वड्रा म्हणाले की, अमेठीतून उभ्या असलेल्या भाजपाच्या स्मृती इराणी यांना विजय गृहित धरता येणार नाही. जरी आज भाजपा ४०० जागांचे ध्येय ठेवले असले तरी ते सहज शक्य नाही, हे पक्षाचे नेते जाणतात. त्यामुळे इंडिया आघाडीच्या सर्वच उमेदवारांना पुरेशी संधी आहे, असे मला वाटते.
