Smriti Mandhana : भारतीय महिला क्रिकेट संघाची उपकर्णधार आणि स्टार खेळाडू स्मृती मानधना हिने आणखी एक नवा टप्पा गाठला आहे. दक्षिण आफ्रिकेविरुद्ध खेळल्या जात असलेल्या तीन एकदिवसीय सामन्यांच्या मालिकेतील पहिल्याच सामन्यात मंधानाने शानदार शतक झळकावले आणि आपल्या संघाच्या विजयात मोलाचा वाटा उचलला. दरम्यान, स्मृती मंधानाने आयसीसीने जाहीर केलेल्या एकदिवसीय क्रमवारीत दोन स्थानांनी मोठी झेप घेतली असून आता तिचा टॉप 3 मध्ये समावेश झाला आहे.

आयसीसीने आज महिला खेळाडूंची एकदिवसीय क्रमवारी जाहीर केली आहे. यामध्ये इंग्लंडची फलंदाज सायव्हर-ब्रंट पहिल्या स्थानावर पोहोचण्यात यशस्वी ठरली आहे. याआधी ती दुसऱ्या क्रमांकावर होती, मात्र आता तिने एका स्थानावर झेप घेत प्रथम क्रमांक पटकावला आहे. तिचे रेटिंग सध्या 772 आहे. याआधी पहिल्या क्रमांकावर असलेली श्रीलंकेची फलंदाज चामारी अटापट्टू (768)आता दुसऱ्या स्थानावर घसरली आहे.

T20 World Cup 2024 : खळबळजनक! टी-20 विश्वचषकामध्ये मॅच फिक्सिंगचा प्रयत्न..! युगांडाच्या खेळाडूमुळे समोर आलं प्रकरण, जाणून घ्या नेमकं काय घडलं…

भारताच्या स्मृती मंधानाने दोन स्थानांनी झेप घेत तिसऱ्या क्रमांकावर झेप घेतली आहे. तिचे रेटिंग सध्या 715 आहे. याआधीही ती पहिल्या क्रमांकावर होती, तिच्या सर्वकालीन उच्च रँकिंगबद्दल बोलायचे तर ते 799 होते, जे आता 715 झाले आहे.