IAS Transferred : राज्यातील प्रशासकीय यंत्रणेत पुन्हा एकदा मोठे फेरबदल करण्यात आले आहेत. मुख्यमंत्री देवेंद्र फडणवीस यांच्या मान्यतेनंतर सामान्य प्रशासन विभागाने २२ जून २०२६ रोजी तीन वरिष्ठ आयएएस अधिकाऱ्यांच्या बदल्यांचे आदेश जारी केले. या बदल्यांमध्ये एमएमआरडीए (MMRDA) आणि महापारेषण (MSETCL) सारख्या महत्त्वाच्या विभागांतील वरिष्ठ अधिकाऱ्यांचा समावेश आहे. (IAS Transferred)

राज्यात सनदी अधिकाऱ्यांच्या बदल्यांची प्रक्रिया सातत्याने सुरू असून, फडणवीस सरकारच्या कार्यकाळात दर आठवड्याला महत्त्वाच्या पदांवर फेरबदल होताना दिसत आहेत. याच पार्श्वभूमीवर आठवड्याच्या पहिल्याच दिवशी तीन वरिष्ठ अधिकाऱ्यांच्या नव्या नियुक्त्या जाहीर करण्यात आल्या. (IAS Transferred)

कोणत्या अधिकाऱ्याची कुठे बदली?

पी. वेलरासू (IAS: 2002 बॅच)

नवीन नियुक्ती: अप्पर महानगर आयुक्त, एमएमआरडीए, मुंबई
१६ जून २०२६ रोजीच्या आदेशात अंशतः बदल करून त्यांच्याकडे एमएमआरडीएच्या अप्पर महानगर आयुक्तपदाची जबाबदारी सोपवण्यात आली आहे.

डॉ. संजीव कुमार (IAS: 2003 बॅच)

पूर्वीचे पद: अध्यक्ष व व्यवस्थापकीय संचालक, महाराष्ट्र राज्य विद्युत पारेषण कंपनी (महापारेषण)
नवीन नियुक्ती: सचिव, अन्न, नागरी पुरवठा व ग्राहक संरक्षण विभाग, मंत्रालय, मुंबई

विक्रम कुमार (IAS: 2004 बॅच)

पूर्वीचे पद: अप्पर महानगर आयुक्त, एमएमआरडीए, मुंबई
नवीन नियुक्ती: अध्यक्ष व व्यवस्थापकीय संचालक (CMD), महाराष्ट्र राज्य विद्युत पारेषण कंपनी (महापारेषण)
विकास प्रकल्पांना मिळणार गती?

एमएमआरडीए आणि महापारेषण या राज्यातील महत्त्वाच्या विभागांमध्ये झालेल्या या बदल्यांमुळे आगामी पायाभूत सुविधा, ऊर्जा आणि विकास प्रकल्पांना गती मिळण्याची शक्यता व्यक्त केली जात आहे. या फेरबदलांमुळे प्रशासकीय वर्तुळातही विविध चर्चांना उधाण आले आहे.