Narayan Rane And Ajit Pawar |  राष्ट्रवादी काँग्रेस पक्षाचे नेते आणि महाराष्ट्राचे उपमुख्यमंत्री अजित पवार यांनी इफ्तार पार्टीदरम्यान केलेले विधान सध्या चांगलेच चर्चेत आले आहे. “आमच्या मुस्लिम बांधवांकडे डोळे वटारून पाहण्याऱ्याला सोडणार नाही,” असे विधान अजित पवार यांनी केले होते. त्यावर नारायण राणे यांनी प्रत्युत्तर दिले आहे.

नारायण राणे यांनी अजित पवार यांच्या विधानावर प्रतिक्रिया देत, “अजित पवारांनी डोळे तपासण्याचा नवीन व्यवसाय सुरू केला आहे असं वाटतं”, असे म्हटले आहे. दरम्यान, अजित पवार यांनी केलेल्या विधानानंतर विविध प्रतिक्रिया समोर येत आहे.

काय म्हणाले होते अजित पवार ?

“रमजान साजरा करणाऱ्या मुस्लिम बांधवांना पवित्र रमजान महिन्याच्या शुभेच्छा,” असं म्हणत अजित पवारांनी भाषणाला सुरुवात केली. “रमजानचा पवित्र महिना तुमच्या आयुष्यात सुख शांती आणि आनंद घेऊन येवो, तुमच्या सगळ्या इच्छा पूर्ण होवो. समता, त्याग, समर्पण आणि बंधुत्वाची भावना निर्माण करणारा हा पवित्र महिना आहे. रमजान केवळ एका धर्मापुरता मर्यादित नाही. रमजान आपल्याला एकता बंधुत्वाची संदेश देण्याबरोबरच गरजूंची पीडा समजण्याची प्रेरणा देतो,” असे इफ्तार पार्टीत उपमुख्यमंत्री अजित पवार यांनी सांगितले.

“भारत विविधतेमध्ये एकतेच प्रतीक आहे. छत्रपती शिवाजी महाराज, बाबासाहेब आंबेडकर, महात्मा ज्योतिबा फुले आणि शाहू महाराज यांनी जातींना एकत्र घेऊन समाजाच्या उन्नतीचा मार्ग दाखवला आपल्याला हाच वारसा पुढे न्यायचा आहे. तुमचा भाऊ अजित पवार तुमच्यासोबत आहे. मुस्लिम बांधवांना जो पण डोळे दाखवणार, दोन गटात भांडण लावून कायदा व्यवस्था बिघडवणार आणि कायदा आपल्या हातात घ्यायची गोष्ट करणार, तो जो कोणी असेल त्याला कोणत्याही परिस्थितीत सोडलं जाणार नाही. माफ केलं जाणार नाही,” असा इशाराही अजित पवार यांनी दिला.  Narayan Rane And Ajit Pawar |

दरम्यान, गेल्या काही दिवसांपासून राज्यात धार्मिक तेढ वाढवणाऱ्या घटनांमध्ये वाढ होताना दिसत आहे. अशातच नागपुरात औरंगजेबाच्या कबरीच्या मुद्द्यावरुन मोठा हिंसाचार झाला. त्यानंतर अजित पवार यांनी केलेल्या वक्तव्याने अनेकांच्या भुवया उंचावल्या आहेत.  Narayan Rane And Ajit Pawar |

हेही वाचा: 

Electric Scooter : फक्त ९० हजार रुपयात मिळणार ‘ही’ जबरदस्त इलेक्ट्रिक बाइक्स; फीचर्स एकदा पाहाच….