Priyanka Chopra : बॉलिवूडपासून हॉलिवूडपर्यंत आपल्या अभिनयाचा ठसा उमटवणारी अभिनेत्री प्रियांका चोप्रा पुन्हा एकदा भावूक झाली आहे. तिचे वडील डॉ. अशोक चोप्रा यांच्या पुण्यतिथीनिमित्त तिने सोशल मीडियावर खास पोस्ट शेअर करत त्यांच्या आठवणींना उजाळा दिला.

प्रियांकाचे वडील डॉ. अशोक चोप्रा हे भारतीय सैन्यात सर्जन म्हणून कार्यरत होते आणि लेफ्टनंट कर्नल पदावरून निवृत्त झाले होते. 10 जून 2013 रोजी त्यांचे निधन झाले. त्यांच्या पुण्यतिथीनिमित्त प्रियांकाने काही खास आणि यापूर्वी न पाहिलेले फोटो सोशल मीडियावरील तिच्या इंन्स्टाग्राम अकाऊंटवरुन चाहत्यांसोबत शेअर केले आहेत.

या फोटोंतील एका फोटोत प्रियांका आणि तिचे वडील एकत्र नृत्य करताना दिसत आहेत, तर दुसऱ्या फोटोत बालपणीची प्रियांका वडिलांच्या मांडीवर बसलेली दिसत आहे. या आठवणींना उजाळा देताना तिने लिहिले, “आम्ही नेहमी एकत्र नाचायचो. बाबा, मला तुमची खूप आठवण येते. तुम्ही कायम माझ्यासोबत आहात. प्रत्येक क्षणी, प्रत्येक निर्णयात तुमची साथ मला जाणवते. लव्ह यू.” असे भावूक शब्द तिने पोस्टमध्ये लिहिले आहेत.

हेही वाचा : Oman attack : ओमानजवळ आणखी एका भारतीय जहाजाला लक्ष्य ; तीन दिवसांत तिसरा हल्ला

प्रियांकाने वडिलांच्या स्मरणार्थ आपल्या मनगटावर ‘Daddy’s Little Girl’ असा टॅटूही गोंदवून घेतला आहे. विशेष म्हणजे तिने गोंदवून घेतलेला टॅटू वडिलांच्या हस्ताक्षरात आहे, यातूनच तिचे त्यांच्यावरील प्रेम आणि जिव्हाळा स्पष्टपणे दिसून येतो.

 

View this post on Instagram

 

A post shared by Priyanka (@priyankachopra)

दरम्यान, प्रियांकाच्या कामाच्या बाबतीत बोलायचे झाल्यास ती लवकरच भारतीय चित्रपटसृष्टीत पुनरागमन करणार आहे. दिग्दर्शक एस.एस. राजामौली यांच्या आगामी ‘वाराणसी’ चित्रपटात ती झळकणार असून हा चित्रपट पुढील वर्षी एप्रिलमध्ये प्रदर्शित होण्याची शक्यता आहे. या चित्रपटात मुख्य अभिनेता म्हणून साऊथचा लोकप्रिय अभिनेता महेशबाबू दिसणार असून, त्याच्यासोबत प्रियांका पहिल्यांदाच स्क्रिन शेअर करताना पाहायला मिळणार आहे.

हेही वाचा : Raveena Tandon: रवीना टंडनलला ‘मोहरा’ चित्रपटाची आठवण; शेअर केला अक्षय कुमार-सुनील शेट्टीसोबत फोटो