मुंबईत स्टँड-अप कॉमेडी परफॉर्मन्स दरम्यान, मुनव्वर फारुकीने काही शब्द वापरले ज्यामुळे महाराष्ट्रातील राजकीय वातावरण तापले. प्रत्यक्षात मुनव्वरने  कोकणात राहणा-या लोकांबद्दल अपशब्द वापरले होते, ते पाहून महाराष्ट्र नवनिर्माण सेनेचे काही नेते आणि भाजपचे नेते नितीश राणे त्यांच्याविरोधात आक्रमक झाले.

मुनव्वर फारुकीने कॉमेडी करताना वापरलेल्या एका अपशब्दामुळे लोकांच्या रोषाला सामोरे जावे लागले. भाजप नेते नितेश राणे यांनी त्यांना इशाराही दिला होता. आता या वादानंतर मुनव्वर यांनी जाहीरपणे सर्वांची माफी मागितली आहे.

मुनव्वर यांनी सोशल मीडियावर व्हिडिओ पोस्ट शेअर करत कोकणात राहणाऱ्या नागरिकांची माफी मागितली आहे. याआधीही २०२१ मध्ये मुनव्वर यांच्यावर हिंदू देवतांचा अपमान केल्याप्रकरणी तक्रार दाखल करण्यात आली होती. या तक्रारीनंतर पोलिसांनी मुनव्वरला अटक केली. तो काही दिवस पोलिस कोठडीत होता. तर आता कोकणच्या मुद्द्यावरून वाद वाढण्यापूर्वीच मुनव्वर यांनी कोकणात राहणाऱ्या तमाम जनतेची माफी मागितली आहे.

व्हिडिओ पोस्ट करताना माफी मागितली
सोशल मीडियावर शेअर केलेल्या आपल्या व्हिडिओमध्ये मुनवर फारुकी म्हणाला, ‘काही दिवसांपूर्वी एका कार्यक्रमात मी प्रेक्षकांशी काही संवाद साधला होता, पण तो विनोदही नव्हता, फक्त चर्चा होती. त्यावेळेस कोकण बद्दल काहीतरी समोर आले की तळोजा मध्ये बरेच लोक राहतात जे कोकणातले आहेत आणि माझे बरेच मित्र पण तिथे राहतात. पण आम्ही विषयापासून थोडेसे विचलित झालो आणि संपूर्ण गोष्ट बदलली.’

बिग बॉस 17 चे विजेते पुढे म्हणाला,’लोक विचार करत आहेत की मी कोकणची आणि कोकणात राहणाऱ्या लोकांची चेष्टा केली. पण माझा तसा काही हेतू नव्हता. मला कोणाच्याही भावना दुखावायच्या नव्हत्या. पण माझ्या बोलण्याने कोणाच्या भावना दुखावल्या गेल्या असतील तर मी तुम्हा सर्वांची जाहीर माफी मागतो.’

या व्हिडीओच्या कॅप्शनमध्ये मुनव्वने  मराठीत लिहिले आहे की, ‘मी कोकणावर प्रेम करतो आणि मी माफी मागतो.’ त्याच्या व्हिडिओच्या खाली कमेंट करताना काही चाहत्यांनी लिहिले आहे की, त्याला अशी माफी मागण्याची गरज नव्हती. मात्र त्याने माफी मागून चांगले काम केले आहे.

करिअर आघाडीबद्दल बोलायचे तर, अलीकडेच मुनवर फारुकी एमटीव्ही स्प्लिट्सविलाच्या ग्रँड फिनालेमध्ये दिसला. लवकरच तो हॉटस्टारच्या वेब सीरिजमधून अभिनय क्षेत्रात पदार्पण करणार आहे.