Adv. Asim Sarode : 1 एप्रिल रोजी पार पडलेल्या सुनावणीत नाशिक जिल्हा न्यायालयाने अशोक खरातला 14 दिवसांची न्यायालयीन कोठडी सुनावणी आहे. त्यानुसार त्याची रवानगी पोलीस कोठडीतून न्यायालयीन कोठडीत करण्यात आली आहे. या प्रकरणाची व्याप्ती खूप मोठी आहे. अनेकांचे पाय खरातसोबत अडकू शकतात. अनेकांची नावे समोर येत आहेत. त्यामुळे हे प्रकरण अत्यंत चर्चेतील प्रकरण आहे. एसआयटीकडून अशोक खराताची चौकशी केली जात आहे. अनेकांचे जबाब नोंदवण्याचे काम सुरू आहे. खरात विरोधात आणखी माहिती घेतली जात आहे. एसआयटीने शिर्डी जमीन प्रकरणात चौकशीसाठी अशोक खरातची पत्नी कल्पना खरात हिला ताब्यात घेण्यासाठी घरी गेले होते. पण ती पसार झाली असून, अशोक खराताच मुलगा हर्षवर्धन खरात याला पोलिसांनी ताब्यात घेतले असून, त्याची चौकशी केली जात आहे. त्यामुळे चौकशीतून काय समोर येते हे पाहणे महत्वाचे असणार आहे. ही केस अजय मिसार यांनी पाहावी अशी विनंती एसआयटीकडून करण्यात आली होती. पण मिसार यांच्याकडे आधीच्याच्या अनेक केसस असल्याने त्यांना या केससाठी वेळ नसल्याने त्यांनी नकार कळवला असल्याची माहिती समोर आली आहे. त्यामुळे खरातविरोधात केस कोण लढणार असा प्रश्न उपस्थित करण्यात आला असतानाच वकील अॅड. असीम सरोदे यांनी खरात विरोधातील या केसमध्ये ‘विशेष सरकारी वकील’ म्हणून काम करण्याची इच्छा व्यक्त केली आहे. त्यांनी एक्स अकाऊंटवरुन ट्वीट शेअर करत याविषयी सांगितले असून, विशेष सरकारी वकील म्हणून नियुक्ती करण्याचे राजकारण आहे. ‘यात राजकारण आणू नका’ म्हणणाऱ्या मुख्यमंत्र्यांच्या मनात जे राजकारण असेल त्यालाच ‘राज्याचे धोरण’ म्हणण्याचा प्रघात आहे. अशी टीका त्यांनी केली आहे. भोंदूबाबा अशोक खरात प्रकरणात सरकारी वकील म्हणून जबाबदारी घेण्यासाठी कुणी मिळत नाहीये ही बातमी वाचली. आमचे मित्र अजय मिसार सरकारतर्फे महाराष्ट्रातील अनेक केसेसमध्ये व्यस्त असल्याने असेल कदाचित त्यांनी खरात केसमध्ये सरकारी वकील म्हणून जबाबदारी घेण्यास नकार दिला आहे. ‘वैसे तो मै… — Asim Sarode (@AsimSarode) April 2, 2026 नेमकं काय म्हणाले असीम सरोदे? भोंदूबाबा अशोक खरात प्रकरणात सरकारी वकील म्हणून जबाबदारी घेण्यासाठी कुणी मिळत नाहीये ही बातमी वाचली. आमचे मित्र अजय मिसार सरकारतर्फे महाराष्ट्रातील अनेक केसेसमध्ये व्यस्त असल्याने असेल कदाचित त्यांनी खरात केसमध्ये सरकारी वकील म्हणून जबाबदारी घेण्यास नकार दिला आहे. खासदार उज्वल निकम यांना टोला? ‘वैसे तो मै बहोत प्रभावित हु आपसे’ फेम एकमेव विशेष म्हणून स्वतःला प्रस्थापित केलेले महोदय दिल्ली सभेत जाऊन बसले. पण तरीही मीच विशेष सरकारी वकील म्हणून केसेस चालविणार असा त्यांचा हट्ट असतो. त्यांना सरकारने विचारून बघावे. ते कायदा व फायदा दोन्ही बाजूंनी विचार करू शकतात, असा टोला त्यांनी खासदार उज्वल निकम यांचे नाव न घेता लगावला आहे. खरात सारख्या भोंदू बाबालाच नाही तर अश्या प्रवृत्ती नेस्तनाबूत करायच्या असतील तर खरात विरोधातील या केसमध्ये ‘विशेष सरकारी वकील’ म्हणून काम करण्याची माझी तयारी आहे. पण विशेष सरकारी वकील म्हणून नियुक्ती करण्याचे राजकारण आहे. ‘ यात राजकारण आणू नका’ म्हणणाऱ्या मुख्यमंत्र्यांच्या मनात जे राजकारण असेल त्यालाच ‘राज्याचे धोरण’ म्हणण्याचा प्रघात आहे. हेही वाचा : Stock Market : शेअर बाजारात खळबळ ! सेन्सेक्स १४१७ अंकांनी कोसळला ; निफ्टीही लाल रंगात