BJP Leader : उत्तराखंड सरकारमधील महिला आणि बालकल्याण मंत्री रेखा आर्य यांचे पती गिरधारी लाल साहू ऊर्फ पप्पू गिरधारी यांना पोलिसांनी अटक केली आहे. उत्तर प्रदेशातील झाशी येथून डेहराडून पोलिसांनी त्यांना ताब्यात घेतल्याची माहिती समोर आली आहे. (BJP Leader)

पत्नीच्या तक्रारीवरून गंभीर आरोपांखाली गुन्हा दाखल झाल्यानंतर ते फरार असल्याचे सांगण्यात येत होते. उत्तराखंड आणि उत्तर प्रदेशमध्ये पोलिसांकडून त्यांचा शोध सुरू होता. (BJP Leader)

पत्नीच्या तक्रारीनंतर गंभीर गुन्हा दाखल

मिळालेल्या माहितीनुसार, रेखा आर्य यांनी १५ ऑक्टोबर २०२६ रोजी डेहराडूनमधील कॅन्ट पोलीस ठाण्यात पती गिरधारी लाल साहू यांच्याविरोधात एफआयआर दाखल केली होती. या तक्रारीत त्यांनी पतीवर छळ, फसवणूक, गुन्हेगारी कट रचणे आणि जीवे मारण्याचा कट रचल्याचे गंभीर आरोप केले होते. (BJP Leader)

या तक्रारीच्या आधारे पोलिसांनी गुन्हा दाखल करून तपास सुरू केला. प्रकरणाचे गांभीर्य लक्षात घेऊन विशेष तपास पथकाची (एसआयटी) स्थापना करण्यात आली होती. (BJP Leader)

अटकपूर्व जामीन अर्जही फेटाळला

एफआयआर दाखल झाल्यापासून पोलिसांकडून गिरधारी लाल साहू यांचा शोध घेतला जात होता. उत्तराखंड आणि उत्तर प्रदेशमधील विविध ठिकाणी छापेमारी करण्यात आली. दरम्यान, अटकेपासून संरक्षण मिळावे यासाठी त्यांनी न्यायालयात धाव घेतली होती. (BJP Leader)

मात्र, त्यांचा अटकपूर्व जामीन अर्ज न्यायालयाने फेटाळला. त्यानंतर ४ नोव्हेंबर रोजी उत्तराखंड उच्च न्यायालयाने एफआयआर रद्द करण्याची आणि अटकेला स्थगिती देण्याची मागणी करणारी याचिकाही फेटाळून लावली होती. (BJP Leader)

रेखा आर्य यांच्यावरही भ्रष्टाचाराचे आरोप

या प्रकरणात गिरधारी लाल साहू यांनीही पत्नी रेखा आर्य यांच्यावर भ्रष्टाचाराचे आरोप केले होते. त्यामुळे दोन्ही बाजूंनी एकमेकांविरोधात गंभीर आरोप झाल्याने हे प्रकरण चर्चेत आले होते. आता गिरधारी लाल साहू यांना झाशी येथून अटक झाल्यानंतर पोलिसांच्या तपासात काय निष्पन्न होते आणि या प्रकरणात आणखी कोणते खुलासे होतात, याकडे सर्वांचे लक्ष लागले आहे. (BJP Leader)

Bjp Leader : कर्जत वृक्षतोडीवरून भाजप नेत्याचा पक्षाला रामराम; राजकीय वर्तुळात खळबळ