Hurun Rich List 2025 : M3M हुरुन इंडिया रिच लिस्ट 2025 नुसार, मुकेश अंबानी यांनी पुन्हा एकदा भारतातील सर्वात श्रीमंत व्यक्ती म्हणून आपले स्थान कायम राखले आहे. त्यांची एकूण संपत्ती 9.55 लाख कोटी रुपये इतकी आहे. दुसऱ्या क्रमांकावर गौतम अदानी यांचा अदानी समूह आहे, ज्यांची संपत्ती 8.15 लाख कोटी रुपये आहे. विशेष म्हणजे, यंदाच्या यादीत बॉलिवूडचा सुपरस्टार शाहरुख खान यानेही अब्जाधीशांच्या क्लबमध्ये प्रवेश केला आहे. शाहरुखची एकूण संपत्ती 12,490 कोटी रुपये असून, तो बॉलिवूडमधील सर्वात श्रीमंत स्टार ठरला आहे. बॉलिवूडचा बादशहा शाहरुख खान याने आता जागतिक पातळीवर आपली बादशाहत कायम केली आहे. शाहरुख खान याची एकूण संपत्ती १.४ अब्ज डॉलर म्हणजेच सुमारे १२,४९० कोटी रुपये इतकी झाली आहे. यामुळे तो जगातील सर्वात श्रीमंत अभिनेता ठरला आहे. प्रथमच अरबपतींच्या यादीत स्थान मिळवणाऱ्या शाहरुखने हॉलिवूड आणि आंतरराष्ट्रीय सेलिब्रिटींनाही मागे टाकले आहे. हुरुनच्या अहवालात शाहरुखचे वर्चस्व – हुरुन इंडिया रिच लिस्ट २०२५ मध्ये शाहरुखच्या संपत्तीत मोठी वाढ झाल्याचे नमूद करण्यात आले आहे. गेल्या वर्षी त्याची संपत्ती ८७० दशलक्ष डॉलर होती, परंतु यंदा ती १.४ अब्ज डॉलरपर्यंत पोहोचली आहे. यामुळे शाहरुखने टेलर स्विफ्ट (१.३ अब्ज डॉलर), अर्नाल्ड श्वार्झनेगर (१.२ अब्ज डॉलर), जेरी सीनफेल्ड (१.२ अब्ज डॉलर) आणि सेलेना गोमेज (७२० दशलक्ष डॉलर) यांसारख्या जागतिक ताऱ्यांना मागे टाकले आहे. भारतातील सर्वात श्रीमंत अभिनेता – भारतात शाहरुख खान अनेक वर्षांपासून सर्वात श्रीमंत अभिनेता आहे. हुरुनच्या अहवालानुसार, दुसऱ्या क्रमांकावर अभिनेत्री जूही चावला आणि त्यांच्या कुटुंबाची संपत्ती ७,७९० कोटी रुपये आहे. जूही आणि शाहरुख अनेक वर्षांपासून व्यावसायिक भागीदार आहेत. तिसऱ्या स्थानावर अभिनेता हृतिक रोशन आहे, ज्याची संपत्ती २,१६० कोटी रुपये आहे. कमाईचे स्रोत – शाहरुखची कमाई केवळ चित्रपटांपुरती मर्यादित नाही. त्याची कंपनी ‘रेड चिलीज एंटरटेनमेंट’ बॉलिवूडमधील एक आघाडीचा प्रोडक्शन हाऊस आहे, तसेच त्याचा VFX स्टुडिओ अनेक मोठ्या प्रकल्पांमध्ये योगदान देतो. याशिवाय, शाहरुख आयपीएलमधील कोलकाता नाइट रायडर्स, तसेच CPL आणि ILT20 सारख्या क्रिकेट लीगमधील संघांमध्ये भागीदार आहे. मध्य पूर्वेतील, विशेषत: दुबईतील प्राइम लोकेशनवरील रिअल इस्टेट गुंतवणुकींमुळेही त्याच्या संपत्तीत मोठी भर पडली आहे. शाहरुखची जागतिक ओळख – ३३ वर्षांच्या चित्रपट कारकिर्दीत शाहरुखने केवळ अभिनयाने नव्हे, तर व्यावसायिक दूरदृष्टीनेही आपले नाव कमावले आहे. हुरुनच्या अहवालाने त्याच्या या यशाला अधोरेखित केले आहे. शाहरुखच्या या यशामुळे त्याच्या चाहत्यांमध्येही उत्साहाचे वातावरण आहे. भारतातील सर्वात श्रीमंत महिला – HCL टेक्नॉलॉजीजच्या चेअरपर्सन रोशनी नादर मल्होत्रा यांना भारतातील सर्वात श्रीमंत महिला म्हणून घोषित करण्यात आले आहे. यादीत त्या तिसऱ्या क्रमांकावर असून, त्यांची एकूण संपत्ती 2.84 लाख कोटी रुपये आहे. त्यांच्या वडिलांनी आणि HCL ग्रुपचे संस्थापक शिव नादर यांनी HCL टेक्नॉलॉजीजच्या प्रमोटर संस्था वामा सुंदरी इन्व्हेस्टमेंट्स (दिल्ली) आणि HCL कॉर्पमधील 47% हिस्सा त्यांच्या मुलीला हस्तांतरित केला, ज्यामुळे त्यांच्या संपत्तीत लक्षणीय वाढ झाली आहे. सध्या भारतात फक्त मुकेश अंबानी आणि गौतम अदानी यांच्याकडेच त्यांच्यापेक्षा जास्त संपत्ती आहे. M3M हुरुन इंडिया रिच लिस्ट 2025 शीर्ष 3 भारतीय अब्जाधीश रँक नाव कंपनी / समूह एकूण संपत्ती (₹) 1 मुकेश अंबानी व परिवार रिलायन्स इंडस्ट्रीज 9.55 लाख कोटी 2 गौतम अडानी व परिवार अडानी समूह 8.15 लाख कोटी 3 रोशनी नादर मल्होत्रा HCL टेक्नॉलॉजीज 2.84 लाख कोटी विशेष उल्लेख: रोशनी नादर मल्होत्रा या भारतातील सर्वात श्रीमंत महिला असून प्रथमच टॉप-3 मध्ये स्थान मिळाले. मनोरंजन क्षेत्रातील सर्वात श्रीमंत व्यक्ती – नाव निव्वळ संपत्ती (₹) मुख्य स्रोत विशेष उपलब्धी शाहरुख खान 12,490 कोटी रेड चिलीज एंटरटेनमेंट पहिल्यांदा अब्जाधीश क्लबमध्ये प्रवेश जूही चावला 7,790 कोटी – शाहरुख खानच्या मागे ऋतिक रोशन 2,160 कोटी – – भारतीय अब्जाधीशांची एकूण संख्या व महत्त्वाचे आकडे विवरण आकडा भारतातील अब्जाधीशांची एकूण संख्या 358 डॉलर-अब्जाधीशांची संख्या 350+ सर्वांच्या एकत्रित संपत्तीचे मूल्य ₹167 लाख कोटी स्वनिर्मित (Self-made) अब्जाधीशांचे प्रमाण 66% नव्या एंट्रीत स्वनिर्मित अब्जाधीशांचे प्रमाण 74% 13 वर्षांपूर्वीच्या तुलनेत वाढ 6 पट वाढ ही संपत्ती भारताच्या जीडीपीच्या जवळपास निम्म्या इतकी स्वनिर्मित अब्जाधीशांची संख्या (अंदाजे) 1,115 युवा अब्जाधीशांचा उदय – यंदाच्या यादीत युवा अब्जाधीशांनाही स्थान मिळाले आहे. पेरप्लेक्सिटी कंपनीचे 31 वर्षीय अरविंद श्रीनिवास 21,190 कोटी रुपयांच्या संपत्तीसह देशातील सर्वात तरुण अब्जाधीश ठरले आहेत. तसेच, नीरज बजाज यांच्या संपत्तीत 69,875 कोटी रुपयांची वाढ होऊन ती 2.33 लाख कोटी रुपये झाली आहे, ज्यामुळे त्यांच्या कुटुंबाने संपत्ती वाढीच्या बाबतीत सर्वात मोठी झेप घेतली आहे. हुरुन रिच लिस्ट 2025 ने भारतातील श्रीमंतांच्या यादीत अंबानी-अदानी यांचा दबदबा कायम असल्याचे दाखवले आहे, तर शाहरुख खान आणि रोशनी नादर मल्होत्रा यांच्यासारख्या नावांनी नवीन उंची गाठली आहे. ही यादी भारतातील वाढत्या आर्थिक समृद्धीचे आणि उद्योजकतेचे प्रतीक आहे.
